Nike ја повлече опремата со брендот на Коби, Лука Дончиќ носеше негови патики со испишани имиња на жртвите

Детали

четврток, 30 јануари 2020

Производителот на спортска опрема Nike, ја повлече целата опрема од брендот на Коби Брајант од својата он-лајн продавница, ден по смртта на кошаркарската икона.

Кога ќе отидете на веб-страницата на Nike во секцијата со заштитен знак на Коби Брајант, ќе бидете пренесени на обична секција со редовните Nike производи.

Доколку во пребарувачот на сајтот внесете „Kobe“ ќе ви биде прикажана само картичка за подарок со тема од Лос Анџелес Лејкерс, додека пребарување со зборовите „Kobe Bryant“ ќе ве однесе до изјавата на Nike во врска со неговата смрт.

Компанијата потврди дека решиле да ги повлечат сите производи додека не решат која ќе биде понатамошната стратегија во однос на опремата со брендот на Коби Брајант.

Дел од стратегијата е да се лимитираат препродавачите, односно нивната способност да натрупаат роба со брендот на Коби, која подоцна би ја продавале поскапо.

Линијата патики од Nike со брендот на Коби е многу популарна помеѓу НБА играчите, а Брајант беше многу активен и вклучен во дизајнот на неговите патики.

Ѕвездата на Далас Маверикс, Лука Дончиќ носеше модел од патиките со брендот на Коби Брајант на мечот веднаш по смртта на кошаркарската икона.

На патиките ги имаше испишано имињата на сите жртви во хеликоптерската несреќа во која загинаа и Коби со ќерката Џиана.

?ref_src=twsrc%5Etfw%7Ctwcamp%5Etweetembed%7Ctwterm%5E1221947716252643329&ref_url=https%3A%2F%2Fclutchpoints.com%2Fmavs-news-luka-doncic-honors-kobe-bryant-helicopter-crash-victims%2F

(О)Милена | Црнобело