Овен во Манчестер Јунајтед

Детали

петок, 03 јули 2009

Поранешниот англиски репрезентативец, Мајкл Овен започна преговори со Манчестер Јунајтед. Веста одекна како бомба во англиските медиуми. Менаџерот на...

 

... Јунајтед, Фергусон, на кого му недостасуваат опции во нападот по заминувањето на Карлос Тевез и Кристијано Роналдо, нема многу да загуби.

Дури и ако коцкањето со постојано повредениот Овен не успее, бидејќи поранешниот фудбалер на Реал и Ливерпул на "Олд Трафорд" ќе пристигне како слободен играч, по испаѓањето од Премиер лигата со Њукасл.

Веста нема да им се допадне на тврдокорните навивачи на Јунајтед, бидејќи Овен е икона на Ливерпул, но од друга страна, иако подложен на повреди, напаѓачот постигна 11 голови за Њукасл минатата сезона.

Ако остане здрав со инстиктот за гол кој несомнено го има, Овен би можел да биде вредна опција за Ферги, особено поради фактот што доаѓа како слободен играч.

Тоа е мал ризик, кој Јунајтед е подготвен да го прифати.