Никол Кидман пијана, Лејди Гага му помогна на фотограф кој падна – најчудни и забавни моменти од Оскари 2023

Детали

понеделник, 13 март 2023

Никол Кидман се појави пијана на црвениот тепих, а Џејми Ли Кертис кажа пцовка од возбуда кога ја прогласија за победник во категоријата најдобра женска споредна улога - забавни (и непријатни) моменти од Оскари 2023 кои сигурно сте ги пропуштиле. 

Вчера, 12 март, се одржа 95-тото доделување на Оскарите и годинава, за разлика од лани, немаше шлаканици и слични инциденти.

Забавниот научно-фантастичен филм Everything Everywhere All at Once доминираше на доделувањето и освои вкупно седум статуетки, вклучувајќи и Оскар за најдобар филм.

За истиот филм, Мишел Јео освои статуетка за најдобра женска главна улога, и со тоа стана првата актерка со азиско потекло која освоила Оскар во оваа категорија.

Нејзиниот колега од филмот, Ке Хуј Куан, освои Оскар за најдобра споредна машка улога, а Џејми Ли Кертис – за најдобра споредна женска улога.

Истиот филм освои и Оскар за најдобро оригинално сценарио и најдобра режија.

Заслужено, Оскарот за најдобра главна машка улога му припадна на Брендан Фрејзер за изведбата во The Whale.

Второто продолжение на Avatar освои Оскар за најдобри визуелни ефекти, додека за најдобар анимиран филм беше прогласен Pinocchiio на Гилермо дел Торо.

Како што спомнавме, доделувањето помина без инциденти, но сепак имаше некои забавни и непријатни моменти.

Дел од нив во продолжение:

Еден од фотографите на црвениот тепих се сопна и падна, но Лејди Гага веднаш истрча да му помогне

Дајен Ворен, која е познат текстописец, изгледаше како воопшто да не ѝ е пријатно на црвениот тепих

Многумина се сомневаат дека Никол Кидман беше пијана за време на интервју пред настанот, како и на црвениот тепих

Искрената реакција на Џејми Ли Кертис кога освои Оскар за најдобра споредна улога

Анџела Басет, пак, беше толку разочарана што не освои Оскар, што одби да ѝ аплаудира на победничката Џејми Ли Кертис

Продолжува на следната страница...