Лошиот однос на Мадона и брат ѝ кој почина – беше бездомник и алкохоличар, пејачката му свртела грб

Детали

понеделник, 27 февруари 2023

Мадона и нејзиниот најстар брат кој почина неодамна беа во лоши односи – тој беше алкохоличар и бездомник и тврдеше дека пејачката и целото семејство му го свртиле грбот. Но, од друга страна, Мадона понудила да му плати за рехабилитација, но тој одбил бидејќи рехабилитацијата му била здодевна.

Најстариот брат на Мадона – Ентони Чиконе – почина на 66-годишна возраст, а веста ја сподели друг член на семејството на пејачката бидејќи таа беше во лош однос со него.

Мадона има седум браќа и сестри, од кои најстариот е Ентони кој е роден во 1956-та, две години пред Мадона.

Како Мадона, и Ентони бил роден во Мичиген, а кога сестра му се обидувала да се пробие во музичката индустрија, тој останал во родниот град.

И, додека кариерата на Мадона се движела во нагорна линија, животот на Ентони само се влошувал.

Тој имал сериозни проблеми со алкохолизам и извесен период бил и бездомник, а тврдеше дека Мадона, која е една од најбогатите музичари, одбивала да му помогне.

Во 30-тите години од животот, и Ентони се преселил во Њујорк, исто како Мадона, а според негова поранешна девојка, бил навистина добра личност.

„Тој беше изгубена душа која пробуваше да си го најде патот, но беше добра личност. Насекаде имаше книги. Многу сакаше да чита за животот и филозофијата и да зборува за тоа. Зборуваше и за тоа како е да се биде брат на Мадона, но не сакаше да биде познат по тоа“.

Наводно, односот помеѓу Ентони и Мадона се влошил бидејќи Мадона се обидувала да му помогне да му помогне - нешто потполно спротивно на неговите тврдења.

Според неговата бивша девојка, за еден роденден асистентот на Мадона му се јавил и го прашал колку пари сака како подарок. Наводно, ова прашање го навредило.

Во 2011 година, Ентони изјави дека не само Мадона, туку целото семејство му го свртело грбот.

„Јас сум нула во нивните очи, срам. Ако смрзнам до смрт, моето семејство веројатно не би дознало за тоа шест месеци“.

Тогаш тој изјави дека 18 месеци бил без работа, поради што станал бездомник и живеел под мост во Мичиген.

„Моето семејство ми го сврте грбот кога минував низ тежок период. Мислите дека си го немам поставено ова прашање милионипати – зошто сестра ми е милионерка, а јас сум бездомник на улиците? Ова може да му се случи секому“.

Сепак, и покрај овие тврдења, Ентони откри и дека Мадона го терала да оди на рехабилитација, но тој одбивал бидејќи сметал дека рехабилитацијата е „здодевна и бескорисна“.

Истовремено, тој сподели дека не сакал сожалување.

„Не барам бесплатна помош поради сестра ми. Не барам ништо за внимание“.

Во истото интервју за Daily Mail, тој сподели и дека со Мадона не се поднесувале уште во детството.

„Се мразевме. Таа беше к***а, исто како што е сега. Си остана иста“.

Ентони самиот тврдеше дека работел и како рибар во Алјаска, но и дека бил асистент на некој фотограф во Њујорк. Кога станал бездомник, почнал да собира шишиња и лименки од контејнери и да заработува по некој долар од тоа.

Наводно, неговиот татко му рекол дека ќе му најде работа, но само ако оди на рехабилитација. Но, Ентони одбивал.

„Моето семејство мисли дека рехабилитацијата е како некое волшебно решение за проблемите во животот“, сподели тој за Daily Mail пред неколку години.

Во 2017 година, Ентони сепак се согласил да оди на рехабилитација, а Мадона ги покрила трошоците. По ова, успеал да го подобри односот со другите браќа и сестри, но не и со Мадона.

Пејачката сè уште нема споделено или изјавено нешто во врска со неговата смрт.

Спирова С. | Црнобело