Им вика на новинари, пробува да влезе во туѓ автомобил – Алек Болдвин во лошо издание 2 дена пред судењето за убиство

Детали

среда, 22 февруари 2023

Како што наближува судењето за убиството на колешката, Алек Болдвин е во сè полошо издание – неодамна тој им се развика на новинари, а потоа по грешка проба да влезе во туѓ автомобил.

Иако Алек Болдвин најверојатно ќе ја избегне затворската казна за убиството на колешката од 2021 година, деновиве не е во најдобра форма.

Неодамна актерот беше снимен како им вика на новинари во Њујорк, пред да проба да влезе во туѓ автомобил по грешка.

Неколку новинари и камермани стоеја пред зградата на актерот во Менхетн кога тој излегуваше надвор.

Еден од новинарите му рече „Здраво господине Болдвин“, а еден од фотографите случајно му застана на патот.

На ова, актерот изреагира гневно и му се развика да му се тргне од патот.

Фотографот веднаш се тргна и скромно му се извини, по што Алек проба да влезе во автомобилот паркиран пред зградата.

Набрзо сфати дека тоа не е неговиот автомобил, а во видеото се слуша како некој му вели:

„Другиот автомобил Алек“.

https://twitter.com/Emilio2763/status/1628239789680984064

Неодамна јавноста дозна дека на Алек Болдвин сепак ќе му се суди за убиството на колешката Халина Хачинс.

Сепак, пред само неколку денови беше откриено дека обвинителот кој работи на случајот отфрлил важно обвинение против актерот. Поради ова, потенцијалната казна што може да ја добие Алек е драстично намалена.

Пред одлуката на обвинителот, Алек се соочуваше со максимална казна затвор од пет години. Но, сега максималната казна е 18 месеци затвор, а сосема возможно е тој целосно да ја избегне дури и ако биде прогласен за виновен за убиство.

Судењето за случајот е закажано за 24 февруари годинава.

Спирова С. | Црнобело