„Заработувам многу повеќе од партнерот и преку глава ми е што јас морам да плаќам за сè - што да правам?“

Детали

четврток, 26 јануари 2023

„Тој станува мрзлив, затоа што ти си неговиот спонзор сега. Мора итно да престанеш да плаќаш за него.“

Жена на форумот „Mumsnet“ поттикна вистинска дебата откако откри дека заработува 4 пати повеќе од нејзиниот партнер и дека поради тоа таа плаќа за сè.

Aнонимната жена вели дека сака да ги дели работите на половина, но дека тоа не е случај во нејзината врска.

Многумина во коментари ѝ порачаа итно да ја прекине врската затоа што тој ја користи и дека таа не треба да се грижи за него, иако тој заработува помалку.

Нејзината објава на форумот:

„Со партнерот сме заедно околу 8 месеци, а бевме пријатели една година пред врската. Се запознавме преку работа и кликнавме веднаш како пријатели.
Тој на почетокот не ми се допадна за љубовен партнер, не беше мој тип на маж, но како што го запознавав повеќе, толку ми беше поатрактивен.

Единствено што ме загрижуваше е разликата во финансиската состојба, дури и го дискутиравме тоа. Долгорочно гледано тој има потенцијал да биде на местото на кое сум јас и тоа за околу 3-5 години и му кажав дека ќе треба да се потруди околу тоа.
На почетокот така и беше, но како напредуваше нашата врска тој забави со темпото и престана да го прави тоа што е потребно во неговата професија за да успее.

Јас плаќам за 99% од работите во нашата врска, како што е одмор, оброци кога излегуваме итн.
Тој е навистина пријатна личност и одличен е со моето семејство, сите го сакаат, но сум имала поранешна ваква врска кога јас сум плаќала сè и чувствувам како историјата да се повторува.

Што треба да направам во ваква ситуација? Главата ми вели да ставам крај на работите, а срцето да му дадам уште една шанса.“

Дел од коментарите се:

„Ти буквално плаќаш за тоа да ти прави друштво и да минува време со тебе. Мора да му кажеш дека ова треба да сопре и тој да почне да планира, организира и плаќа некогаш, возрасен човек е.“

„Тој станува мрзлив, затоа што ти си неговиот спонзор сега. Мора итно да престанеш да плаќаш за него.“

„Ако јас бев ти, ќе го напуштев веднаш.“

„Ако парите ти беа важни, зошто воопшто започнуваше врска со некој кој заработува толку помалку од тебе? Тоа негативно влијае на двајцата.“

Што мислите вие за оваа ситуација, кој е вашиот совет?

С. С. | Црнобело/ фото: depositphotos.com