Мелани Грифит, бившата на Антонио Бандерас, со нова лузна на лицето по битката со ракот на кожата и бројните операции (фото)

Следната година таа ја сподели фотката на Инстаграм со која покажа како изгледа по неколкуте операции за отстранување на кожата од лицето:

„Повторно со завој по третман со дермоабразија – последниот чекор од третманот за ракот на кожата. Ако имате ваков проблем, одете да го средите.

Ако лежите на сонце, ако сте многу изложени на сонце, бидете ВНИМАТЕЛНИ. Користете крем со заштитен фактор. Одете на дерматолог. Ако немате дерматолог, најдете си“, напиша таа во описот.

Истата година, актерката прозборе за предизвиците со кои се соочила поради ракот.

„Ракот на кожата е страшен кога сте актерка и зависите од вашето лице за да најдете работа. Но, сфатив дека само треба да ставам фластер и дека ќе биде во ред. Само, изгледам смешно“, сподели таа во интервју за InStyle.

Актерката изјави и дека нејзината возраст секако има влијание, но воедно пробува да не очајува премногу во врска со нејзиниот изглед.

Во истото интервју, актерката се отвори и за четирите разводи, изјавувајќи дека повеќе не планира да стапува во брак.

„Мислам дека веќе на никој не му е важно. Особено кога имате над 60 години, имате четири деца и го живеете животот што отсекогаш сте го посакувале.

Зошто да стапам во брак? Мислам, би сакала да се вљубам и да бидам во врска, но тоа уште не се случило“.

Актерката вели дека до денес е блиска со поранешните сопрузи, вклучувајќи го и Антонио Бандерас, и има само пофални зборови за нив.

Спирова С. | Црнобело