Факти за ќерката на Елвис Присли, која почина на 54 години - трагично го загуби синот, гледала додека татко ѝ умира

Детали

петок, 13 јануари 2023

Била присутна во моментот кога нејзиниот познат татко починал и тоа ѝ оставило огромни трауми во животот, велеше дека Мајкл Џексон и Николас Кејџ се ожениле со неа само затоа што таа е ќерка на кралот на рокенролот, од последниот сопруг се разведе заради педофилија – бурниот живот на ќерката на Елвис Присли, која вчера (12.01.2023) почина на 54 години.

Единствената ќерка на Елвис Присли, Лиза Мари, почина на 54-годишна возраст откако претходно имала срцев застој.

Во текот на вчерашниот ден (12.01) Лиза Мари била веднаш пренесена во болница и според пишувањата во светските медиуми била во кома, откако претходно претрпела целосен срцев застој.

Нејзината мајка Присила даде официјално известување во кое информира за прераната смрт на нејзината ќерка:

„Таа беше најсилната и најпрекрасната жена што некогаш сум ја запознала.

Ве замолуваме за приватност додека се обидуваме да се справиме со тешката загуба. Ви благодариме за љубовта и молитвите.

Нема да даваме повеќе коментари“.

Лиза Мари последно во јавност се појави на доделувањето на „Златните глобуси“, што се одржа во вторникот (10.01), што воедно беше едно од нејзините ретки појавувања во јавност откако нејзиниот син во 2021-вата година си го одзема животот.

Ќерката на Елвис Присли на црвениот тепих се појави заедно со долгогодишниот пријател на нејзиниот татко Џери Шилинг (80), а на церемонијата седеше заедно со нејзината мајка Присила (77) и двете заедно дадоа поддршка за Остин Батлер кој играше во биографскиот филм за Елвис Присли и ја доби наградата Златен глобус за најдобра машка улога.

Лиза Мари во минатото беше позната по тоа што ги полнеше таблоидите заради случувањата во приватниот живот.

Откако во 2015-та година го загуби целото богатство, таа одлучи да почне да заработува од имотот на нејзиниот татко „Грејсленд“, така што го отвори за туристи и посетители.

Рехабилитацијата од алкохол и опојни супстанци на само 17 години, бракот со Мајкл Џексон, бурните разводи се само некои од настаните што го одбележаа нејзиниот живот.

Во продолжение неколку интересни факти за неа, што можеби не сте ги знаеле:

Лиза Мари Присли беше родена во 1968-ма година во семејството на Елвис и Присила Присли. Како ќерка на најпродаваниот музичар на сите времиња, Лиза Мари се родила во огромно богатство, а како дете била мошне разгалена. Татко ѝ ја опсипувал со вредни подароци, па така таа уште од најмала возраст од него добивала крзнени бунди и скапоцен накит.

Елвис сакал да ѝ ги исполни сите желби, па постои една анегдота дека откако таа во една прилика се пожалила дека никогаш не видела снег во Мемфис, татко ѝ веднаш организирал патување со приватен авион (кој го носел нејзиното име) во Јута, за таа да може да си игра во снегот.

На само 5-годишна возраст Лиза Мари ја почувствувала првата голема болка кога нејзините родители одлучиле да се разведат во 1973-та година. Според пишувањата на мајка ѝ, Елвис почнал да се оддалечува од неа откако станала мајка, по што почнал да има афери со други жени.

Но, само 4 години подоцна, на возраст од 9 години, Лиза Мари ја почувствувала најголемата болка кога нејзиниот татко неочекувано почина. Според пишувањата, таа била присутна во моментот кога Елвис починал и почнала гласно да ги прашува другите околу неа: „Што се случува со татко ми …“

Иако во истиот миг станала богата наследничка затоа што Елвис нејзе ѝ го оставил целиот свој имот, Лиза Мари тргнала по лош пат, па станала зависничка од алкохол и опојни супстанци.

На 17-годишна возраст заминала на рехабилитација во озлогласениот Скиентолошки центар за познатите, каде се запознала со Дени Кио, музичарот кој воедно бил нејзиниот прв сопруг. Во 1988-ма година тие двајца се венчале во Скиентолошката црква, а потоа имале меден месец на јахтата на црквата.

Во 1989-та година Лиза и Дени ја добија ќерката Рајли, а во 1992-ра година го добија синот Бен. Но, бракот на Лиза Мари и Дени ќе се распадне по само 6 години. Причината за разводот била огромната разлика во богатството на брачните партнери, а подоцна таа открила дека уште додека била во брак со Дени, Лиза Мари ја започнала врската со Мајкл Џексон.

Продолжува на следната страна...