Ештон Кучер сакал да се самоубие за да може да го донира срцето за брат му: „Итно му требаше трансплантација“

Едниот од лекарите има изјавено дека актерот бил сериозен во намерата:

„Ештон отиде кај неговите родители и им рече 'Земете го моето срце'. Беше искрен. Навистина сакаше да му го даде на својот брат“.

За среќа, за помлаку од 24 часа, бил најден погоден донор за Мајкл и неговиот живот бил спасен.

Иако љубовта помеѓу Мајкл и Ештон е повеќе од очигледна, кога актерот почнал да се прославува, тие забележале тензија во нивниот однос.

На Мајкл му пречело што Ештон го сожалува, а според него, ова се влошило кога станал славен.

Мајкл признава дека чувствувал и љубомора поради успехот на брат му, а ова дополнително го заладило нивниот однос.

„Имаше мигови кога гледав како добива повеќе внимание од мене. Тоа до некаде направи да се чувствувам љубоморно“.

Кога Мајкл решил да зборува со Ештон за ова, тие успеале да ја подобрат нивната врска.

„Мајк дојде кај мене, ме погледна и ми рече: 'Секојпат кога ме сожалуваш, ме правиш подолна личност. Ова е единствениот живот што го знам, па престани да го сожалуваш единственото нешто што го имам'.

Тоа тогаш предизвика промена, по што нè гледав како еднакви. Штом разговаравме, сфатив дека тој уште е мојот брат. Можеби светот го гледа поразлично, но јас го знам“.

Но, во 2003 година, нивниот однос повторно се влошил. Тогаш актерот сподели со јавноста дека Мајкл има церебрална парализа, а Мајкл бил гневен за ова.

Имено, Ештон не бил свесен дека Мајкл сака неговата болест да биде тајна, односно да не биде споделена со целиот свет.

„Не знаев дека го издадов бидејќи не знаев дека тоа е тајна“, вели актерот.

Сепак, Мајкл решил да ја искористи популарноста што ја добил од брат му и да ја зголеми свесноста за болеста.

„Кога пораснав ми беше тешко да откријам кој е Мајкл. Штом Ештон ми ја даде можноста вистински да го покажам тој дел од мене, си помислив: 'Па, ако веќе сите знаат, можам да направам нешто добро со тоа. Можам да пробам да ја зголемам свеста за болеста'“.

Денес Ештон и неговиот брат близнак се во одличен однос и велат дека сите разлики сега се зад нив.

Спирова С. | Црнобело