Реалистични мртви тела, исечени дланки – Кортни Кардашијан критикувана за бизарната Halloween забава (фото)

Детали

вторник, 25 октомври 2022

Пред неколку денови Кортни Кардашијан и Тревис Баркер организираа забава за Ноќта на вештерките, со декорации инспирирани од филмот Halloween Ends. Но, веднаш штом споделија фотки од забавата, парот се најде на мета на критики поради реалистичните мртви тела и другите бизарни детали.

За Кардашијанс е познато дека сакаат да прават огромни забави за Ноќта на вештерките и обично имаат навистина импресивни декорации.

Но, годинава Кортни Кардашијан и Тревис Баркер претерале со морбидните декорации.

43-годишната Кортни и 46-годишниот Тревис организираа забава за Ноќта на вештерките во нивниот дом во Калифорнија, а декорациите беа инспирирани од новиот хорор-филм Halloween Ends.

Додека многумина прават забави инспирирани од култни хорор-филмови, јавноста смета дека Тревис и Кортни ги преминале сите граници.

Нивната куќа беше украсена со мртви тела, исечени дланки и стапала, мозоци, човечки очи…

Иако, секако, станува збор за пластични модели, многумина сметаат дека парот прикажал многу насилство.

Мртвите тела изгледаат премногу реалистично и веројатно и возрасна личност не би се чувствувала пријатно помеѓу вие декорации.

Во дворот имало и проекција на филмот, а Кортни ги покажа декорациите на Инстаграм Стори.

Дел од коментарите онлајн:

„Колку и да сакам хорор-филмови и страшни приказни, ова е премногу реалистично и премногу насилно без никаква потреба“.

„Ја сакам Ноќта на вештерките и сакам да покажам разбирање за туѓите перспективи, но навистина е грозно да искористите тело на убиена жена како декорација“.

„Сметам дека ова не е соодветно дури ни за возрасни“.

Некои, пак, сметаат дека Кортни прави платена реклама на новиот филм.

„Сè што прават Кардашијанс е реклама. Така си ги чуваат парите. И нивните патувања се финансирани. Кога промовираат филм, платени се за тоа“.

Од друга страна, Клои Кардашијан доби многу комплименти за забавата што ја направила за децата од нејзиното семејство.

Дворот на ријалити ѕвездата беше украсен со црни балони, вештерски шапки и тикви, а имаше и колачиња во форма на лилјаци, черепи и црни мачки.

Клои организирала и забавни активности за децата инспирирани од Ноќта на вештерките.

Спирова С. | Црнобело