„Ме оддалечија од децата, ги ’купуваат‘ со Prada подароци“: Бившата на Тревис Баркер ги критикува Кардашијанс

Детали

среда, 10 јануари 2024

„Моите деца го гледаа шоуто на Кардашијанс и сега татко им се гледа со една од нив, па и тие ќе бидат во шоуто. Им купуваат Prada, им купуваат подароци, одат на секакви настани, го запознаа Канје... Јас не можам да им го овозможам тоа. Немам пари за тоа“, вели бившата сопруга на Тревис Баркер, откако го нарече тапанарот алкохоличар и „женкар“.

Благодарение на Кортни Кардашијан, тапанарот Тревис Баркер стана една од најпознатите личности во светот.

Покрај него, јавноста дозна и за неговата поранешна сопруга – Шана Моаклер – која отворено го критикува тапанарот, но и целото семејство на Кортни.

Сега, пак, Шана го нарекува Тревис алкохоличар и „женкар“.

„Тревис валкано ме изигра. Неговото пиење е проблем, неговата зависност, тој е ’женкар‘“, вели Шана во поткаст.

Тапанарот и поранешната сопруга добија две деца, пред да се разделат во 2008-ма.

Шана не го криеше мислењето и за Кардашијанс, користејќи пцости.

„Нема потреба да го сакам тоа проклето семејство. Одвратни се. Одлучив да се повлечам за тие (Тревис и Кардашијанс) да не можат да се поврзат со моите деца преку нивната заедничка омраза за мене“.

По ова, Шана додава дека и покрај тоа што односот со децата ѝ е влошен поради Кардашијанс, таа секогаш ќе ги сака и ќе им биде мајка.

„Ќе бидам овде како ваша мајка, и ќе чекам. Преку глава ми е од луѓето да ме хејтаат. Има луѓе кои не го сакаат тоа семејство, не го гледаат нивното глупаво шоу и не им е гајле што прави Ким Кардашијан со нејзиниот задник.

Кога Тревис почна да се гледа со Кортни, тој сакаше да биде ’супер татко‘. Ми велеше дека бил најдобриот родител, дека бил ова, дека бил она. Му реков во ред, ти победи. Ти ги имаш сите пари. Ти имаш сè. Ти победи“.

Шана ги обвини Кардашијанс дека и тие пробуваат да ја оддалечат од децата:

„Децата го гледаа шоуто на Кардашијанс и сега татко им се гледа со една од нив, па и тие ќе бидат во шоуто. Им купуваат Prada, им купуваат подароци, одат на секакви настани, го запознаа Канје...

Јас не можам да им го овозможам тоа. Немам пристап до тоа. Немам пари за тоа. Не можам да им купувам Prada секоја недела. Мојата куќа не е палата како на Тревис. Немам кино дома“.

Спирова С. | Црнобело