Дру Баримор: „Не сум имала секс од 2016-та година – сакам да бидам позитивен пример за ќерките“

Детали

вторник, 18 октомври 2022

„Немам време за врски, немам потреба од секс“ – вели актерката Дру Баримор и признава дека по разводот во 2016-та година, во последните 6 години не била во интимна врска со никого. Како што појаснува, главна цел ѝ е да им даде позитивен пример на ќерките, но и на сите млади девојки.

Познатата актерка Дру Баримор вели дека по разводот со нејзиниот поранешен сопруг во 2016-та година таа не „била во можност да биде во интимна врска со никого.“

„Имав чест и задоволство да работам на себеси и да научам што значи да бидеш родител, а тоа е нешто што не ми било јасно додека растев и се соочив со голем број предизвици. Бев уплашена. Се чувствував како победник. Се бараше од мене да се едуцирам на секој можен начин“ – вели Дру.

Актерката вели дека разводот со Копелмен ја направил повнимателна во приватниот живот и денес се труди двете нејзини ќерки Олив (10) и Френки (8) да пораснат во „силни жени што се сакаат себеси“.

„Во моментов сум во целосно поинакво место во животот и можеби во блиска иднина би влегла во врска... Но, тоа не ми е приоритет. Немам потреба од секс и немам потреба за такви односи со луѓето. Целосно сум посветена на тоа да покажам како младите девојки, моите ќерки и јас како жена треба да функционираат во овој свет“ – вели таа.

Таа за крај вели дека не го мрази сексот како чин, но дошла до заклучок дека љубовта и сексот не се иста работа.

Кога станува збор за тоа каков пример упатува кон младите девојки, актерката имаше уште едно признание деновиве и рече дека никогаш не планира да направи естетски корекции затоа што сака да остари природно.

„Не сакам да се борам со природата. Мајка сум на две девојчиња, а ние пораснавме во индустрија каде беше пожелно да пиеш од фонтаната на младоста и јас никогаш не се претплатив за тоа. Мислам дека мажите само треба да им дозволат на жените да сфатат дека е безбедно да остариш и дека е прекрасно“ – вели Дру.

Б. С. Б. | Црнобело