На Бела Хадид ѝ направија фустан од боја на модна ревија во Париз, откако се појави гола на пистата (фото+видео)

Детали

сабота, 01 октомври 2022

Неколку артисти од француски моден бренд направија спектакуларно шоу на Модната недела во Париз – ѝ направија фустан од боја на Бела Хадид, додека таа стоеше гола на пистата.

Модниот бренд Coperni ја имаше најоригиналната ревија на Модната недела во Париз.

Во петокот, 30-ти септември, на модната писта се појави Бела Хадид која носеше само долна облека и си ги криеше градите со раката.

На пистата застанаа и тројца артисти кои ѝ го покрија телото со бела боја и ѝ направија фустан.

Потоа, друга артистка ја среди формата на фустанот – направи рамки, како и шлиц. На крај, 25-годишниот модел зачекори по пистата со белиот тесен фустан.

Генијалниот дизајн беше споделен и на официјалниот Инстаграм профил на Вог:

„За пролет 2023, Coperni им ја посвети пистата на ’жените од овој свет‘. Главниот настан? Бела Хадид стои на центарот на пистата, додека тројца мажи ѝ прават фустан со боја.

Фустанот беше комплетиран од друга артистка, која ги искористи нејзините раце и пар ножици за да го оформи фустанот на Бела“, стои во описот.

Очекувано, изведбата беше пречекана со громогласен аплауз од публиката.

Не е познато каква боја употребија артистите, но крајниот резултат дефинитивно е фасцинантен.

Во коментарите на Инстаграм, бројни корисници истакнуваат дека со задоволство би носеле таков фустан.

Повеќе фотки од настанот:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело