Бурниот живот на „најпластичната жена на светот“ – изгубила милијарди, го гребела сопругот

Детали

недела, 02 октомври 2022

Џоселин Вилденстин стана позната благодарение на бурниот развод со милијардерот Алек Видленстин во кој доби 2 милијарди долари, но и поради бројните пластични операции кои упорно негира дека ги направила.

Можеби не ја знаете Џоселин Вилденстин, но сигурно имате налетано на фотографија од неа.

82-годишната богаташка стана позната благодарение на бракот со милијардерот Алек Вилденстин, како и бурниот развод во кој доби 2 милијарди долари.

По разводот, Џоселин почна да привлекува внимание и со бројните пластични операции, за кои упорно негираше дека ги правела, но и со нејзиниот приватен живот исполнет со скандали.

Џоселин е родена во Швајцарија во 1940 година, а уште во тинејџерските години имала врски со моќни луѓе.

Според некои извори, Џоселин извесен период живеела во Париз, каде што работела како проститутка, но самата нема кажано ништо за овие гласини.

Во 1978 година таа се венча со милијардерот Алек Вилденстин, а почна да го привлекува вниманието на јавноста кога се разведоа во 1999 година.

Своевремено, нивниот развод беше еден од најскапите во светот бидејќи Џоселин доби дури 2,5 милијарди долари. Истовремено, судот одреди милијардерот да ѝ дава по 100 милиони долари секоја година, во период од 13 години.

Според Џоселин, таа и Алек се разведиле бидејќи го начекала во кревет со тинејџерка од Русија која работела како модел. Кога ги нашла во собата, Алек дури и ѝ се заканувал со пиштол, по што бил уапсен.

Опсесијата на Џоселин со пластичните операции почнала додека била во брак со Алек. Наводно, таа се плашела дека милијардерот ќе ја остави и решила да направи операција, но не му кажала на сопругот.

Џоселин ја признава само оваа пластична операција, а ги негира сите останати.

По разводот, Џоселин останала со голема сума пари, па станала опседната со пластични операции. Според некои извори, целта на Џоселин била да има очи како на мачка бидејќи била вљубена во овие животни.

Всушност, поради бројните операции, денес Џоселин ја нарекуваат „жена-мачка“.

По разводот, Џоселин се држела подалеку од јавноста, но трошела многу пари. Несовесното трошење било причина и за неколку тужби.

Во 2015-та, речиси ја избркале од луксузниот стан во Њујорк, а добила тужба и за долг од кредитна картичка во износ поголем од 70.000 долари.

Џоселин се соочила и со бројни други тужби за неплатена кирија, а во 2018 година прогласи банкрот.

По разделбата со Алек, Џоселин почна врска со модниот дизајнер Лојд Клејн. Тие се заедно веќе 18 години и се верени, но веројатно не планираат брак.

А, нивната врска е дури и побурна од разводот на Џоселин и Алек.

Пред околу четири години, тие се расправале, по што Џоселин му направила сериозни гребаници на лицето на Лојд. За да се смират, тој ја побарал за жена со дијамантски прстен. 

Во друга караница, Џоселин го нападнала Алек со ножици, а нивните соседи многупати пријавувале врева од нивниот стан.

Честопати се вмешувала и полицијата, што значи насилството е норма во нивната врска.

Но, и покрај ова, тие ја убедуваат јавноста дека се лудо вљубени еден во друг.

Продолжува на следната страна...