Пливање, врзување врвки - 8 ѕвезди кои не знаат да прават едноставни, секојдневни работи

Детали

недела, 31 јули 2022

Бијонсе не знае да готви, а Вил Смит не знае да плива.

За некои вештини е очекувано да ги знаат сите, или барем повеќето. Но, сосема нормално е и да не ги поседувате сите вакви вештини.

Всушност, и многу познати личности имаат откриено дека не можат да прават работи кои за нас можеби се едноставни и секојдневни.

Дел од нив во продолжение:

Бијонсе не знае да готви

Според мајката на Бијонсе, познатата пејачка воопшто не може да се снајде во кујна и не знае да направи скоро ниту едно јадење.

Дрејк не знае како да си ги врзе чевлите

Познатиот пејач самиот има споделено дека уште не знае ако да ги врзе врвките од неговите чевли.

Вил Смит, Ева Мендез и Ријана не можат да пливаат

Ева Мендез не знае да плива, а дури и се има шегувано на сметка на тоа бидејќи е родена на остров.

Слична е ситуацијата и со Ријана, но пејачката има откриено дека има фобија од морски суштества, па затоа никогаш не научила да плива.

Вил Смит, пак, сподели дека има страв од длабока вода, па ова го обесхрабрило да научи да плива.

Р. Кели не знае да пишува

Познатиот рапер не знае да пишува – тој нема завршено средно, а има и дислексија што му го отежнува учењето букви.

Даниел Редклиф и Џоан Роулинг не знаат да возат автомобил

Додека Џоан Роулинг воопшто нема возачка дозвола, Даниел Редклиф има откриено дека има положено, но дека е ужасен возач, па се држи понастрана од сообраќајот.

Спирова С. | Црнобело