Поранешниот сопруг упадна со нож, невестата ги пречека гостите во дијамантска танга – Нови детали за свадбата на Бритни Спирс (фото)

Детали

понеделник, 13 јуни 2022

Поранешниот сопруг на Бритни Спирс доби забрана за пристап до пејачката откако вооружен со нож одлучи да упадне на прославата, а пејачката танцуваше со гостите само во сако и сите се прашуваа дали е гола од половината надолу, но го повтори и бакнежот со Мадона. Бизарните детали од свадбата на Бритни Спирс во продолжение... 

Бритни Спирс (40) по ослободувањето од легалното старателство од татко ѝ го оствари својот сон и се омажи за својот 12 години помлад свршеник Сем Ашгари (28).

На приватната церемонија што се одржа на 9-ти јуни во нејзиниот дом во Лос Анџелес присуствуваа околу 60 познати гости, меѓу кои Мадона, Парис Хилтон, Дру Баримор, Донатела Версаче, Селена Гомез, а денот не помина без скандали и бизарни моменти.

Бритни го рекреираше страсниот бакнеж со Мадона од 2003-та година за време на свадбата.

Две децении по настапот на MTV Video Music Awards, Мадона и Бритни решија да покажат дека сѐ уште се мошне блиски, па повторно јавно се бакнаа за време на свадбената церемонија.

Церемонијата исто така беше прекината од страна на поранешниот сопруг на Бритни, Џејсон Александер, со кого таа беше во брак околу 55 часа во 2004-тата година, пред бракот да биде поништен.

Џејсон на свадбата упаднал вооружен со нож, а по интервенцијата на полицијата, поранешниот партнер и најдобар пријател на Бритни, бил уапсен и му била дадена забрана за пристап до славниот пар.

Сепак, ниту овој помал инцидент не ја спречи славната пејачка да заигра полугола со своите гости.

Таа за време на церемонијата промени четири различни аутфити: венчаницата од Versace, црн мини фустан од истата дизајнерска куќа, црвен мини фустан, а најголем впечаток остави со фотографиите на кои се гледа дека танцува боса и само со кратко црно сако.

Таа на својот Инстаграм профил сподели видео од свадбата до кое напиша:

„Да се живее значи да споделуваш со другите. Пссст... Не грижете се, за првпат носев дијамантска танга под сакото... Се надевам дека не навредив никого“.

https://www.instagram.com/tv/CerbzbzOJK-/?utm_source=ig_web_copy_link

Погледнете повеќе фотографии во продолжение:

https://www.instagram.com/tv/CephSGig6OP/?utm_source=ig_web_copy_link

Б. С. Б. | Црнобело