Требаше наскоро да се ожени за љубовта на неговиот живот – што знаеме за актерот Реј Лиота кој почина на возраст од 67 години?

Детали

четврток, 26 мај 2022

Се прослави со улогата во филмот Goodfellas, каде играше заедно со Роберт Де Ниро, а заради една непромислена изјава се најде на осуда од јавноста. Што знаеме за актерот Реј Лиота, кој ненадејно почина на возраст од 67 години.

Актерот Реј Лиота почина во сон во Доминиканска Република каде моментално работеше на снимањето на својот последен филм Dangerous Waters.

Лиота има една ќерка, Кристен (23), која ја добил од бракот со продуцентката Мишел Грејс, а честопати говореше за блискиот однос што го имаше со своето дете:

„Не сакам да помине долго време без да ја видам. Можеби неколку недели.

Во последните 4 месеци останав дома затоа што одлучив дека не сакам да снимам филм за да можам да бидам повеќе време со неа.

Ја носев на часови по танц, си играв со неа“ – рече тој во изјава во 2007-ма година.

Реј Лиота и Мишел Грејс се разведоа во 2004-та година, но останаа во пријателски односи, а тој секогаш имаше пофални зборови за неа.

Актерот кој се прослави во улогите во крими филмови, во последните години беше актуелен и со улогата во ТВ серијата Shadows of Blue каде играше заедно со Џенифер Лопез.

Откако во екот на движењето #Me Too даде изјава дека кога би добил покана да игра во филм на Вуди Ален веднаш би прифатил, се соочи со критики.

Во тој период Вуди Ален го тресеше скандал заради бракот со посвоената ќерка и обвинувањата од страна на другата посвоена ќерка, Дилан Фароу, која излезе со обвинувања дека била сексуално злоупотребувана од страна на режисерот кога имала само 7 години, а јавноста не ја прифати позитивно желбата на Лиота да работи со него.

Во моментот на неговата смрт, актерот беше свршен со Џејси Нитоло, „обична“ жена која не сакала да биде во фокусот на јавноста, а веќе била мајка на 4 деца.

Тој во декември 2020-та година рече дека за Божиќ го добил најубавиот подарок откако Џејси, љубовта на неговиот живот ја прифатила неговата понуда за брак.

https://www.instagram.com/p/CJXUuRolkPA/?utm_source=ig_web_copy_link

Б. С. Б. | Црнобело