Гестот со кој Бруклин Бекам сака да ја „претвори“ сопругата во мама Викторија – зошто ѝ даде втор веренички прстен на Никола?
- Детали
- среда, 11 мај 2022
Познато е дека Викторија Бекам добила 15 веренички прстени за време на 22 години брак со Дејвид Бекам, а по сè изгледа нивниот најстар син Бруклин има намера да ја продолжи традицијата и неговата сопруга да биде како неговата мајка. Никола го покажа вториот веренички прстен од својот сопруг.
Сопругата на Бруклин, Никола Пелц Бекам само неколку дена по свадбата што се случи на 9-ти април годинава во Палм Спрингс, се појави со нов веренички прстен.
За време на Мет Галата почнаа шпекулациите за новиот накит што снаата на Викторија и Дејвид Бекам го носеше на настанот, а на нејзиниот Инстаграм профил Никола покажа одблиску како изгледаат нејзините нови дијамантски прстени.
До фотографиите на кои се гледа вереничкиот прстен и бурмата таа напиша: „Прстенот“.
Станува збор за прстен изработен од платина со овален дијамант од 6 до 8 карати со трапезоидни дијаманти од страните. Со оглед на тоа што платината е бела, дијамантите на прстенот светат уште посилно.
Според Page Six Бруклин за овој прстен издвоил околу 2 милиони долари, а бурмата чини околу 90.000 долари.
За потсетување, Бруклин и Никола започнаа врска во октомври 2019-та година, а во јули 2020-та година открија дека се свршиле. Никола тогаш доби правоаголен дијамант за кој се верува дека чинел околу 250.000 долари.
Со новиот веренички прстен парот ја продолжува традицијата на познатите родители на Бруклин.
Се знае дека Викторија Бекам за време на својот брак со Дејвид добила околу 15 различни веренички прстени.
Прочитајте и Бираше девојки што личат на мајка му, велат дека е „мамин син“ – Факти за односот на Бруклин и Викторија Бекам
Б. С. Б. | Црнобело
Би можело да ве интересира:
Препорачуваме
Најчитани неделава
