Крис Браун кој во минатото ја претепа Ријана, сега заработи тужба за силување: „Следниот ден ми се извинуваше“

Детали

сабота, 29 јануари 2022

Раперот Крис Браун кој во минатото беше во врска со пејачката Ријана и брутално ја претепа во 2009-тата година, сега се соочува со нов скандал. Друга позната пејачка го тужи за силување.

Позната пејачка која не го открива сопствениот идентитет, затоа што, „стравува за сопствениот живот и кариера“ во текот на минатата недела поднесе тужба до судот во Лос Анџелес против поранешното момче на Ријана, Крис Браун (32).

Таа тврди дека се запознала со Крис на забава кај Шон Диди во неговиот дом на Стар Ајланд. Сепак, инцидентот се случил на јахта што била во непосредна близина на домот на Диди.

Пејачката чијшто идентитет не се открива, раскажува како додека биле на јахтата раперот ѝ дал пијалак, а откако го испила почнала да ја губи свеста. Таа наводно била дезориентирана, физички нестабилна и почнала повремено да заспива и да се буди.

Се обидувала да му каже да престане, но Браун наводно ги игнорирал нејзините молби, а следниот ден тој ѝ се извинил и ѝ рекол дека бил изгубен и не се сеќавал дали ејакулирал во неа.

Веднаш побарал од неа да земе таблета за контрацепција за „ден потоа“, а таа самата веднаш направила тестови за полово преносливи болести.

На 16-ти јануари раперот ја поканил во неговиот дом во Калифорнија и таа прифатила да дојде за да работат заедно на неговата музика. Сепак, по снимањето тој пак ја викнал да оди во неговата соба.

„Крис Браун тврдеше дека таа никогаш нема да успее како музичар освен ако не прифати да го направи тоа што треба, односно таа морала да има секс со него за да напредува во кариерата“ – се вели во тужбата.

Раперот на Инстаграм ги отфрли обвинувањата и рече дека повторно некој се обидува да му го наруши угледот ширејќи лаги.

За потсетување во 2009-тата година Крис Браун беше притворен откако брутално ја претепа Ријана.

Откако го призна делото, во 2015-та година доби условна затворска казна, а минатата 2021-ва година повторно беше под истрага откако една жена го обвини за насилство.

Прочитајте и Брутално ја претепа Ријана, има 2 деца од 2 жени: Што прави денес Крис Браун?

Б. С. Б. | Црнобело