Анџелина Џоли го крие слабото тело под црна, широка облека на прошетка со 13-годишната ќерка Вивиен

Детали

среда, 12 јануари 2022

Анџелина Џоли шеташе со ќерката Вивиен носејќи широка облека која го крие нејзиното слабо тело. Само неколку денови претходно, актерката уште еднаш покажа дека е голем хуманитарец откако откри дека им помага на тинејџерките од сиромашни земји да се образуваат во областа на науката и инженерство.

Анџелина Џоли беше забележана со 13-годишната ќерка Вивиен која се претвора во вистинска убавица.

46-годишната актерка и девојчето излегуваа од продавница во Лос Анџелес.

Актерката носеше широко палто и црни панталони, со кои го прикрива слабото тело, но сепак изгледа стилизирано.

Младата Вивиен носеше кратки панталони и блузон.

Иако Џоли отсекогаш била слаба, периодов фановите се загрижени за нејзиното здравје.

Според извори за американските медиуми, актерката е изложена на многу стрес поради судската битка со поранешниот сопруг Бред Пит. Па, можеби многуте грижи се причина за нејзиното слабеење.

Но, и покрај многуте проблеми со кои се соочува и шесте деца за коишто треба да се грижи, Џоли наоѓа време и за добротворна работа.

Неодамна, актерката откри дека им помага на тинејџерки од целиот свет да се образуваат во областа на науката, технологијата и математиката. Овој проект се реализира преку партнерство со фондацијата Медокс Џоли која ја надгледува нејзиниот син Медокс.

Актерката изјави дека сака кога младите девојки успеваат, а наводно била особено инспирирана од 15-годишно девојче со огромен потенцијал.

Фондацијата Медокс Џоли се фокусира на заштита на околината и населението во сиромашните делови во Камбоџа. Актерката првпат ја посети Камбоџа уште во 2000 година, а оттаму го посвои и нејзиното најстаро дете - синот Медокс.

Џоли е позната за добротворната работа, а одново и одново докажува дека навистина сака да направи позитивна промена во светот.

Спирова С. | Црнобело