Бен Афлек гневно се расправа со бившата Џенифер Гарнер, додека со Џеј Ло е како потполно друга личност (фото)

Детали

понеделник, 13 декември 2021

Бен Афлек беше забележан со бившата Џенифер Гарнер како гневно гестикулира, додека на сите понови фотки со Џеј Ло изгледа како потполно друга личност – постојано ја држи за рака и е посреќен од кога било.

Бен Афлек изгледаше видно вознемирен додека разговараше со поранешната сопруга Џенифер Гарнер минатата недела. Познатите актери се разведоа по повеќе од една деценија заедно, а сега се во контакт поради нивните три деца – Вајолет (16), Серафина (12) и Семјуел (9).

Иако наводно Афлек и Гарнер се во релативно добар однос, на последните папарацо фотки од нив изгледа како жестоко да се расправаат.

Актерите беа фотографирани на улица во Калифорнија. Бен жестоко гестикулираше со рацете и иако не му се гледа лицето од заштитната маска, очигледно е дека е гневен.

Џенифер, пак, имаше загрижен израз на лицето.

Откако завршија со расправата, актерите почнаа да се движат по тротоарот и се разделија.

Бен и Џенифер Гарнер се венчаа во 2005 година, се разделија во 2015-та, а го финализираа разводот во 2018 година.

Кратко по нивната разделба се дозна дека Бен ја изневерил Џенифер со нивната дадилка, но подоцна актерката тврдеше дека аферата не била причината за разводот.

„Само да ви кажам, ние бевме разделени неколку месеци пред јас да дознаам за аферата со дадилката“, сподели Џенифер во интервју во 2016 година.

Извори блиски до актерите открија дека проблемите во бракот потекнувале од Бен – актерот имаше проблеми со коцкање и алкохолизам, имаше неколку испади во јавност и генерално имал проблем со контролирањето на гневот.

По разделбата со Гарнер, актерот имаше неколку кратки врски, од кои можеби најмногу внимание привлече врската со актерката Ана Де Армас. Сепак, иако актерите изгледаа среќно и вљубено, нивната романса не траеше долго.

По врската со Ана, на големо изненадување на јавноста, Афлек ѝ се врати на старата љубов – Џенифер Лопез.

И додека со поранешните девојки Афлек се чини секогаш имал по некој гневен испад, изгледа дека Џеј Ло го „вади“ најдоброто од него и секојпат кога се заедно во јавност актерот изгледа пресреќно.

Само неколку денови по инцидентот со Џенифер Гарнер, актерот беше забележан со Џеј Ло и нејзината 13-годишна ќерка Еме.

Наводно, парот купувал очила за ќерката на пејачката, а од фотките се гледа дека постојано се држат за рака.

Неодамна актерот и самиот изјави колку е среќен што ѝ се врати на Џеј Ло по речиси 17 години откако првпат се разделија.

„Слободно можам да кажам дека ми е прекрасно. Сега мојот живот ја покажува не само личноста што сакам да бидам, туку личноста која чувствувам дека сум – не сум совршен, но сум некој кој се обидува да биде искрен“, изјави актерот во неодамнешно интервју за WSJ.

„И ова е убава приказна. Одлична приказна. И, можеби еден ден ќе ја раскажам. Ќе напишам сè за неа“, додава актерот.

Во интервјуто, актерот прозборе и за проблематичниот период од неговиот живот, кога се бореше со алкохолизмот и го „уништуваше“ бракот со Џенифер Гарнер.

„Има многу работи што би сакал мојата помлада верзија да ги разбере. Некои работи за кои се срамам да бидам отворен бидејќи се само мои грешки“.

Актерот вели и дека некои денови стравувал дека ќе изгуби сè поради проблемите со алкохолот и вели дека бил обележан како алкохоличар бидејќи прозборел за зависноста, за разлика од други актери кои умешно ја скриле од јавноста.

И извори блиски до парот тврдат дека Џеј Ло и Бен се совршен пар.

„Одлично им оди. Џенифер сака што е со Бен. Смета дека судено им е да бидат заедно“.

Спирова С. | Црнобело