Хајди Клум како „излезена од гроб“ – се подготвува за најморничавата Halloween маска досега (фото+видео)
- Детали
- среда, 27 октомври 2021
Како и секоја година, и оваа Хајди Клум подготвува изненадување за Ноќта на вештерките, а со неколку фотки и видеа покажа дел од маската и ни ја разгоре љубопитноста. Претходно супермоделот ги потсети фановите на маските од минатите години со неколку забавни објави.
Не залудно Хајди Клум си го заработи прекарот Кралица на Halloween. Секоја година, познатиот супермодел оди до екстреми со нејзините маски и до пред пандемијата, нејзината забава беше најочекуваниот настан за Ноќта на вештерките.
Хајди, која неколкупати има изјавено дека ова ѝ е омилениот период од годината, откри детали за овогодишната маска со неколку Инстаграм објави.
Супермоделот сподели видео на кое изгледа како на нејзиниот грб да нема кожа и се гледа дел од ’рбетниот столб.
Видеото е како најава за краток хорор-филм што моделот веројатно го подготвува за Ноќта на вештерките, а во описот стои: „Доаѓам по вас за 4 дена…“
Хајди објави уште две видеа – на едното се гледа морничавата маска, а другото повторно е со инсерти од краткиот филм.
Со видеата таа открива и како се одвивал процесот на шминкање за морничавата маска.
48-годишниот супермодел и годинава ја откажа забавата за Ноќта на вештерките поради пандемијата – исто како што направи и лани.
Таа изјави дека воопшто не ѝ се организираат забави додека вирусот пустоши ширум целиот свет.
„Со сè што се случува во светот моментално, мислам дека е премногу рано за да правам забава. Па, и годинава нема да ја правам. Како и минатата година, мислам дека е бесчувствително да организирам забава.
Не сакам никој да биде повреден само затоа што јас сум сакала да се забавувам. Ќе направам пауза уште една година, но дефинитивно подготвувам нешто бидејќи јас сум креативна личност“.
Пред неколку денови Хајди сподели уште неколку морничави видеа на кои изгледа како зомби, но не открива што точно можеме да очекуваме. Па, ни останува само да почекаме уште некој ден.
Изминатата недела Хајди ги потсетуваше фановите со нејзините претходни маски за Ноќта на вештерките, споделувајќи фотки, но и видеа на кои се гледа како се одвивале подготовките.
Погледнете ги на следната страница...
Би можело да ве интересира:
Препорачуваме
Најчитани неделава
