Робин Тик (44) со свршеницата (26) и децата, првпат откако Емили Ратајковски го обвини за сексуално вознемирување
- Детали
- вторник, 05 октомври 2021
Пејачот во 2014 година имал скандалозен развод со тогашната сопруга со низа обвинувања за неверства и злоупотреба, а истата година почнал да се состанува со 18 години помладата Ејприл Лав Гери со која денес има три деца.
Пејачот Робин Тик беше фотографиран со семејството за првпат откако Емили Ратајковски го обвини за сексуално вознемирување, односно дека ја допирал за голите гради за време на снимањето на спотот „Blurred Lines“ во 2013 година.
По скандалот 44-годишниот пејач беше фотографиран со својата свршеница Ејприл Лав Гери и нивните две ќерки Миа и Лола додека пазарат во Лос Анџелес. Нивното трето дете, односно најмалото синче Лука не беше со нив.
Папарацо фотките се направени само неколку часа откако обвинувањето на Емили како бомба одекна во сите светски медиуми.
Робин очигледно сака да мине незабележано со очила за сонце, заштитна маска и капа на главата.
Ејприл е 18 години помлада од Робин, односно има 26 години.
Парот се состанува од 2014 година, а се свршија во 2018 година. Нивното најмало дете, синот Лука има 10 месеци.
Инаку, во време на периодот кога е сниман спотот со Емили и кога се случило вознемирувањето Робин бил во брак со актерката Пола Патон со која има 11-годишен син.
Парот се раздели во 2014 година, а Пола како причини за разделбата навела наводна злоупотреба, користење на дрога и неверства.
Засега никој од нив нема дадено изјава по обвинувањата на Емили Ратајковски.
Семејни фотки од Робин со свршеницата Ејприл и децата:
Прочитајте и „Го почувствував срамот низ моето тело“ – Емили Ратајковски сексуално вознемирувана на сетот на Blurred Lines + први фотки од детето
Папрацо фотки од Робин со семејството, по обивнувањата од Емили:
С. С. | Црнобело