„Облечи се!“ – Емили Ратајковски сподели видео од довикнувањата што ги слуша кога шета на улица

Детали

четврток, 22 август 2024

Дали е непристојно да ѝ довикнувате на некоја девојка да се облече или, пак, е непристојно да носите тесна маичка со длабоко деколте? Емили Ратајковски објави видео на кое се слуша како еден маж ѝ довикнува да се облече, а доби огромна поддршка од нејзините следбенички.

Модната дизајнерка и модел Емили Ратајковски е позната по своите смели изданија и фотосесии.

Наместо на плажа или на некоја егзотична дестинација, таа на почетокот на летото направи фотосесија низ улиците на Њујорк, во рамки на која позираше во нејзината нова линија бикини костими за капење.

Во сличен стил таа позираше во долна облека низ улиците на Њујорк уште во 2017-та година, а сега сподели како вообичаено реагираат мажите кога ќе ја видат на улица.

Емили објави кратко видео на Инстаграм во кое се гледа дека низ улиците на Њујорк шета во маичка без ракави и со длабоко деколте, но тоа очигледно не му се допаднало на случајниот минувач, кој чувствувал дека е должен дека треба да ја прекори.

„Девојко, облечи си маица“ – се слуша неговиот глас во заднина.

@emrata

famously not demure, famously not mindful.

♬ 365 - Charli xcx

„Славно нескромна, славно невознемирена“ – напиша таа до видеото.

Откако Емили го објави видеото, коментарите до него се најразлични.

Според нив не се само мажите тие што довикнуваат, има и жени, а причината за тоа, во главно е љубомора.

„Не се секогаш мажите, но речиси секогаш мажите се тие што довикнуваат“;

„Мислам дека и жените знаат понекогаш да бидат вознемирени, подготвени за натпревар, критички настроени... И има голем број повозрасни жени што го имаат истото мислење како мажот во видеото. Можеби мажите се само малку повеќе искрени“ ;

„Не се секогаш мажите! Имало љубоморни жени што ми довикнувале кога носев иста маичка како неа“;

„Па ти веќе носиш маичка“;

„Мислам дека сакаше да ти каже: ‘Посакувам да си со мене!’“;

„Се чувствува незадоволно затоа што не може да освои некоја згодна девојка, па сега се одмаздува на сите згодни жени“ – стои во дел од коментарите.

Што мислите вие? Дали е пристојно да ѝ довикнувате на некоја девојка да се облече, само затоа што таа се чувствува самоуверено во своја кожа и смета дека може да го носи она што ѝ стои добро?

Во продолжение погледнете ги фотките од Емрата како позира во бикини на улица:

Б. С. Б. | Црнобело