Бен Афлек со мајка му разгледува прстени – Ќе го добие ли Џеј Ло шестиот веренички прстен?

Детали

вторник, 24 август 2021

Бен Афлек беше забележан како разгледува веренички прстени. Ќе го добие ли Џеј Ло својот шести по ред веренички прстен и со кого беше верена пејачката досега, а со кого беше во брак?

Бен Афлек беше забележан како разгледува веренички прстени и тоа наведува на помислата дека актерот има намера да ја запроси својата старо-нова девојка Џеј Ло по вторпат.

Магазинот Page Six објави фотографии на кои се гледа како актерот и режисер (49) се шета низ продавници за накит заедно со неговата мајка Крис и децата Вајолет (15), Серафина (12) и Семјуел (9) кои ги има од бракот со Џенифер Гарнер.

Ако славниот актер се одлучи сепак да ја побара Џеј Ло за сопруга, ова ќе биде нивен втор обид да стапат во брак, откако тие беа верени во периодот од 2002-та до 2003-тата година, кога Бен ѝ даде веренички прстен со розов дијамант вреден 1,2 милиони долари.

Сега двојката е повторно заедно, се верува дека Џеј Ло го задржала стариот веренички прстен, а се проценува дека неговата вредност се зголемила десеткратно и сега изнесува вртоглави 12 милиони долари.

Доколку Џеј Ло добие уште еден веренички прстен, тоа ќе биде нејзиниот шести веренички прстен по ред.

Во продолжение да ги погледнеме досегашните пет веренички прстени на Џеј Ло:

Таа беше во брак со нејзиниот прв сопруг Охани Ноа, од кого во 1997-мата година доби дијамант вреден повеќе стотици илјади долари, а со него се разведе само една година подоцна.

Прочитајте и Како изгледа Охани Ноа, заборавениот прв сопруг на Џеј Ло, 24 години подоцна?

По ова доби веренички прстен и од Крис Џад во 2001-вата година, но со славниот кореограф одлучија да се разделат само една година подоцна.

Подоцна истата година почна да се гледа со Бен Афлек и се верија. Сепак славната двојка не успеа да застане пред олтар.

Марк Ентони ја запроси пејачката со син дијамантски прстен, што наводно чинел 4 милиони долари. Тие беа заедно од 2004-тата до 2014-тата година, а заедно ги имаат близнаците Макс и Еме (13).

Петтиот веренички прстен Џеј Ло го доби од поранешниот бејзбол играч Алекс Родригез со кого беше во врска до април месец годинава, а двапати ја одложуваа свадбата поради пандемијата.

По раскинувањето со Родригез, Џеј Ло одлучи да ја обнови врската со бившиот свршеник Бен Афлек, а ако навистина Бен клекне на колено и ја запроси, тогаш Џенифер Лопез ќе го добие својот шести по ред веренички прстен.

Инаку, Бен и Џеј Ло од април годинава, па наваму речиси и да се нераздвојни. Тие се фотографирани постојано од медиумите, организираат заеднички викенди со децата, а по повод 52-иот роденден на пејачката беа и на летување во Сен Тропе и Капри.

Прочитајте и На јахта на Сен Тропе, шопинг во Капри: Бен и Џеј Ло се на љубовна турнеја откако си дадоа втора шанса – каде сѐ беа?

Б. С. Б. | Црнобело