Сиромаштија, малтретирање, болести: Славни личности кои поминале низ пекол пред да се прослават и збогатат

Детали

недела, 29 август 2021

Опра Винфри била малтретирана од семејството, Леонардо ди Каприо немал пари за храна, а Џеј Зи пораснал во опасно соседство и честопати се судирал со полицијата.

Неретко луѓето завидуваат на богатството и луксузот што ги уживаат најпознатите личности на планетата, но неретко забораваат дека за повеќето од нив, животот не бил отсекогаш совршен. Некои од најголемите имиња во забавната индустрија пораснале во сиромаштија, со родители што ги малтретирале и не се грижеле за нив.

Овие ѕвезди се соочувале со бројни проблеми, а она што им е заедничко се желбата да избегаат од лошиот живот и упорноста која ги направила успешни.

Погледнете кои славни личност навистина поминале низ пекол пред да се прослават:

Леонардо ди Каприо

Иако денес оскаровецот е еден од најдобрите холивудски актери и „тежи“ неколку милиони, пред да се пробие, неговиот живот не бил воопшто лесен.

Леонардо не го крие своето тешко минато и во многу интервјуа споделува детали од деновите пред да стане познат. Тој има изјавено дека живеел во опасно соседство, а неговите родители едвај имале пари за храна. Но, тој смета дека токму тоа го мотивирало да не се откаже од соништата и да успее.

Сара Џесика Паркер

Ѕвездата од Sex and the City имала доста проблематично детство – нејзините родители се развеле кога била само дете, по што таа го заладила односот со нејзините браќа и сестри. Неколку години по разводот, мајка ѝ се омажила и со вториот сопруг имала уште четири деца.

Сара вели дека со толку многу деца, нејзиното семејство не можело да си ги дозволи ни неопходните работи за живот, како струја и вода, па морале да аплицираат за социјална помош.

Кога, пак, Сара го открила талентот за глума, почнала да заработува на само 11-годишна возраст и со тоа да се грижи за целото семејство.

Џеј Зи

Џеј Зи е првиот рапер во историјата кој станал милијардер, но за него патот до успехот не бил воопшто лесен. Всушност, некои од неговите најголеми хитови се инспирирани од многуте проблеми со кои се соочувал во детството и младоста.

Раперот живеел во опасни соседства каде што сиромаштијата, зависностите и пресметките на локалните банди биле норма. Поради околностите, и раперот тргнал на погрешен пат и неколкупати имал судири со полицијата.

За среќа, не се откажал од љубовта кон музиката, упорно творел, а останатото е историја.

Том Круз

Самиот актер има изјавено дека покрај бројните семејни проблеми, неговиот татко бил и насилен кон него. Покрај тоа, актерот бил малтретиран од соучениците во текот на целото образование.

За среќа, како сите личности на листава, Том не се откажувал и денес е еден од најбараните холивудски актери.

Еминем

Родителите на Еминем биле многу сиромашни и речиси и да не се грижеле за него. Покрај тоа, на раперот му било тешко да си најде пријатели на училиште и постојано бил малтретиран од соучениците.

Дружејќи се со Афроамериканци од неговото соседство, тој почнал да се интересира за рап и хип-хоп музика, набрзо откривајќи го својот талент. Со текот на времето, Еминем стана најпознатиот рапер во светот со кого не може да се спореди никој.

Џесика Алба

Џесика пораснала во добро семејство, но во детството имала бројни проблеми со здравјето. Актерката имала алергии и хронична болест поради која ѝ направиле неколку операции. Ова значи дека поголемиот дел од времето го минувала во болница, а нејзините родители ја потрошиле целата заштеда на лекови и третмани.

Како ова да не било доволно, кога Џесика била дете мајка ѝ заболела од рак.

Денес Џесика ги остави проблемите со здравјето зад себе и изгради успешна актерска кариера.

Спирова С. | Црнобело