Бен Афлек го прослави 49-иот роденден со децата, додека Џеј Ло ги брише фотките со бившиот Алекс Родригез

Детали

понеделник, 16 август 2021

По големиот број патувања со новата девојка Џенифер Лопес, актерот Бен Афлек го прослави 49-иот роденден во неделата заедно со трите деца од бракот со Џенифер Гарнер.

Актерот Бен Афлек, кој во последно време е мошне популарен по тоа што повторно е во врска со неговата поранешна свршеница, пејачката и актерка Џенифер Лопез, во неделата го прослави 49-иот роденден, а тој одлучи овој ден да го помине со неговите деца.

Афлек беше фотографиран во опуштено издание со сина маица, црни фармерки и спортски патики додека беше излезен со ќерките Серафина (12) и Вајолет (15) и синот Семјуел (9).

Тој трите деца ги доби од 10-годишниот брак со актерката Џенифер Гарнер со која играа заедно во филмот „Pearl Harbor“, а со која се разведе во 2018-тата година.

Прочитајте и Се вљубил во Џенифер Гарнер додека бил со Џеј Ло: Детали како Бен Афлек раскина со Џеј Ло и се ожени со Гарнер

Во изминатиот период Бен Афлек постојано беше фотографиран со неговата ново-стара девојка Џенифер Лопез додека беа на патување по повод нејзиниот 52-ри роденден. Тие беа на луксузна јахта во Сен Тропе, потоа во Капри, па во Мајами.

Прочитајте и На јахта на Сен Тропе, шопинг во Капри: Бен и Џеј Ло се на љубовна турнеја откако си дадоа втора шанса – каде сѐ беа?

Пред роденденот на Бен, дел од таблоидите шпекулираа дека се очекува новата двојка повторно да замине на некое патување, но очигледно Бен сепак се одлучи овој ден да го помине со неговите деца.

Од друга страна додека Бен беше заедно со неговите деца, обожавателите забележаа дека Џенифер Лопез во изминатите денови сериозно се посветила на тоа да направи големи промени на нејзините профили на социјалните мрежи, па забележително е дека ги избришала сите фотографии со поранешниот свршеник Алекс Родригез, а го избришала и од листата на следбеници на Инстаграм.

Бен и Џенифер по речиси 17 години решија да ѝ дадат нова шанса на врската. За потсетување, Џеј Ло и Бен ја почнаа врската во 2002-ра, а истата година и се верија. Во 2004-та ја раскинаа свршувачката, но годинава, скоро две децении подоцна, повторно се пар. 

Потврда за тоа дека Бен и Џенифер се навистина сериозни кога станува збор за нивната романтична врска говори и фактот што откако се вратија од одмор тие повторно беа забележани како посетуваат повеќе имоти низ Беверли Хилс, со цел да го најдат нивниот иден заеднички дом.

Б. С. Б. | Црнобело