Само Опра од познатите дами е побогата од неа: Како Ријана стана милијардерка?
- Детали
- среда, 04 август 2021
Според официјалните податоци на „Форбс“ Ријана стана најбогатата пејачка и нејзиното богатство се проценува дека тежи 1,7 милијарди долари.
Според податоците на „Форбс“ Ријана во моментов е најбогатата пејачка во светот, а кога станува збори за жените изведувачи, само Опра е побогата од неа, со богатство од 2,7 милијарди долари.
Ријана стана позната како пејачка, но богатството го заработила од другите бизниси. Најголемиот профит убавицата од Барбадос го заработила преку нејзините модни брендови Fenty Beauty и Savage x Fenty.
Имињата и на двете компании го носат нејзиното вистинско презиме Фенти. Ријана, односно Робин Фенти во 2017-тата ја започна приказната на Fenty Beauty, а нејзина цел била да креира козметичка компанија што ќе направи жените насекаде да се чувствуваат вклучени. Можеби, воопшто и не очекувала дека токму овој бренд ќе ѝ донесе големо богатство и ќе ја означи како милијардерка.
Таа денес поседува околу 50% од компанијата Fenty Beauty, а од неа досега заработила околу 1,4 милијарди долари. Од компанијата за долна облека Savage x Fenty заработила околу 270 милиони долари, а другите пари се од нејзините настапи како пејачка и актерка.
Ријана не е многу често присутна на социјалните мрежи, но големиот број следбеници ѝ овозможуваат мошне успешно самата да ги рекламира сопствените производи и се смета дека таа досега е најуспешната пејачка што успеала да изгради сопствен бренд за убавина.
Погледнете дел од нејзините фотографии:
Б. С. Б. | Црнобело
Би можело да ве интересира:
Препорачуваме
Најчитани неделава
