Ретка глетка помеѓу холивудски пријатели: Џорџ Клуни и Бен Афлек се прегрнаа од срце (фото)

Детали

четврток, 15 април 2021

Бен Афлек доби топла прегратка од колегата Џорџ Клуни веднаш по завршувањето на снимањето на нивниот нов филмски проект – The Tender Bar – а фотографите на сетот го уловија емотивниот момент.

Џорџ Клуни и Бен Афлек соработуваат на нова драма, чиј режисер е самиот Клуни, а неделава завршија со снимањето. Пред да почнат со последната сцена, актерите беа фотографирани на сетот како разговараат.

Бен Афлек е облечен како ликот што го глуми, а Џорџ носи фармерки, црна маичка и заштитна маска на лицето.

На последната сцена, Бен Афлек седи во автомобил, а како што завршуваат со снимање, на фотките се гледа дека Клуни е особено задоволен од изведбата на Бен. А, веднаш штом Бен излегува од автомобилот, Клуни без двоумење го прегрнува.

Филмот The Tender Bar e направен според истоимените мемоари на Ј. Р. Моерингер, во кои се опишани првите години од животот во Њујорк на писателот.

Бен Афлек и Џорџ Клуни имаат соработувано и претходно, во 2012-та година, кога и двајцата се појавија во филмот Argo.

Снимањето на новот филм почна пред неполн месец, а тогаш извори блиски до Бен Афлек изјавија дека и двајцата актери се пресреќни што повторно ќе можат да работат заедно.

„Бен е навистина возбуден за проектот. Тој и Џорџ се многу среќни што повторно се обединија за да соработуваат“.

Уште не е познат датумот за премиера на нивниот нов заеднички филм.

Спирова С. | Црнобело