На нив трошат милиони – Какви „чудни“ колекции имаат познатите?

Детали

недела, 09 октомври 2022

Џон Траволта во својот дом има опремен аеродром за својата колекција авиони, Том Хенкс со години собира машини за пишување. Какви колекции имаат познатите?

Понекогаш забораваме дека и познатите во суштина се само луѓе.

И тие исто како нас се опседнуваат со одредени предмети и ги собираат, но разликата е во тоа што овие луѓе располагаат со многу поголем буџет за збогатување на нивните колекции.

Во продолжение ви ги претставуваме чудните колекции на некои од славните личности:

Том Хенкс - Машини за пишување

Ѕвездата на „Кодот на Да Винчи“ според пишувањата во светските медиуми е опседнат со собирање машини за пишување.

Тој поседува околу 250 машини за пишување, а првпат почнал да ги собира во 70-тите години на минатиот век.

Анџелина Џоли - Ножеви

Анџелина Џоли, како вистинско олицетворение на Лара Крофт е опседната со собирање ножеви.

Во една прилика таа откри дека во ова нејзино „хоби“ активно е вклучен и синот Медокс.

„Мајка ми ми ги купи првите ножеви кога имав 11 или 12 години. И јас веќе му купив на Медокс некои работи“ -  вели актерката.

Понатаму таа нагласува дека сечивата на ножевите во нивната колекција се отапени за да бидат безбедни за семејството и дека при купувањето секогаш има разговори за насилството.

Деми Мур - Кукли

Во едно интервју Деми Мур откри дека е страстен колекционер на кукли.

Таа открива дека ова хоби го започнала непосредно по разводот со Брус Вилис.

Актерката признава дека кога и да оди на патување речиси секогаш со себе носи плишани играчки или кукли.

Леонардо Ди Каприо - Играчки од супер херои

Леонардо Ди Каприо е опседнат со собирање играчки од супер-херои.

Според пишувањата во медиумите, во еден миг, актерот поседувал над 150 фигури од „Војна на Ѕвездите“, над 200 фигури од суперхерои и околу 200 роботи и вселенски играчки.

Никол Кидман - Стари парички

Меѓу познатите личности што собираат парички често се спомнува и актерката Никол Кидман.

Имено, се напоменува дека поранешната сопруга на Том Круз во својата колекција поседува парички што датираат уште од Јудеја.

Џони Деп - Барби кукли

Актерот Џони Деп во една прилика призна дека има огромна колекција од Барби кукли. Тој самиот рече дека прво ги купувал за неговата ќерка Лили Роуз Деп и куклите ги користел за да ѝ раскажува приказни пред спиење, а потоа немал срце за да се ослободи од нив.

Тој има огромна колекција со кукли, во која се вклучени и барбики на познатите личности.

Џон Траволта –авиони

Актерот Џон Траволта можеби поседува една од најскапите колекции во светот, која вреди околу 50 милиони долари, затоа што тој собира вистински авиони.

Џон има сертификат за летање, а за своите седум авиони има изградено хангар и писта сместени зад неговиот дом во Флорида, па така тој дома има фунционален аеродром.

 Б. С. Б. | Црнобело