Копија на тато: Рики Мартин сподели ретка фотка од синот + најави дека планира уште деца
- Детали
- петок, 18 декември 2020
Рики Мартин и сопругот Џуан имаат четири деца, а неодамна пејачот сподели ретка фотографија од најмалото - синчето Рен - кое премногу личи на него.
Откако првпат стана татко во 2008 година, Рики Мартин навистина целосно му се посвети на семејството. Иако ретко, пејачот понекогаш знае да сподели фотографија од неговите деца.
Деновиве Рики Мартин сподели ретка фотографија од неговото најмало синче, Рен, а фановите прво забележаа колку личи на него.
48-годишниот пејач има споделено и други фотографии со децата на кои е и Рен, но првпат објавува фотографија само од него.
Рики Мартин и неговиот сопруг имаат четири деца, а Рен го добија во октомври минатата година.
Пејачот сподели со јавноста дека очекуваат четврто дете додека ја прифаќаше наградата National Visibility Award. Тогаш тој изјави дека со сопругот сакаат големо семејство.
Рики Мартин и сопругот Јосеф се венчаа во јануари 2018-та. Тој период Рики Мартин веќе ги имаше близнаците Матео и Валентино, кои денес имаат 12 години.
Неодамна, пејачот сподели и како изгледа да се биде родител на деца кои се скоро тинејџери:
„Предадолесценцијата е овде и нештата стануваат интересни. Покрај тоа, се соочуваме и со карантин и постојано слушам: ’Тргни се! Ова е моја соба, не твоја!' Но тие се прекрасни деца. Им оди одлично на училиште и имаат убава сестричка и убаво братче кои сакаат да ги заштитат. Тоа е многу убаво. Многу сум горд на нив и многу сум среќен што го имам ова семејство“.
Пејачот сподели и дека иако Матео и Валентино се постари, нивната сестра Лусија е „главна“:
„Тоа не е нивна куќа, туку куќа на Лусија. Таа е главна. Во очите ѝ се познава кога не ѝ се допаѓа нешто, а има само две години“.
Рики Мартин изјави дека можно е да има и други деца после Рен.
„Некои мислат дека сум луд, но јас сакам големо семејство и имам неколку ембриони што ме чекаат. Не знам. Џуан ќе полуди, но не му кажувам“, изјави пејачот на шега.
Спирова С. | Црнобело
Би можело да ве интересира:
Препорачуваме
Најчитани неделава
