Чарли Шин се збогува од својата Берта – Почина Кончата Ферел од Two and a Half Men

Детали

среда, 14 октомври 2020

Кончата Ферел, која повеќето ја знаеме како Берта од Two and a Half Men, почина на 77-годишна возраст поради проблеми со срцето.

Кончата беше најпозната по улогата на Берта во популарната серија Two and a Half Men, и дефинитивно беше еден од најомилените ликови. Според светските медиуми, актерката починала во болница во Калифорнија, а во последните мигови била опкружена со најсаканите.

Чарли Шин, кој соработуваше со неа со години, ѝ оддаде почит со објава на Twitter, изјавувајќи дека таа е прекрасна личност, искрен пријател, но и дека нејзината смрт е шокирачка болна.

„Берта, твоето одржување на куќата беше сомнително, но твоето ’справување со луѓето‘ беше совршено“, завршува објавата на Чарли, на која има и нивна фотографија од популарната серија.

an absolute sweetheart
a consummate pro
a genuine friend
a shocking and painful loss.

Berta,
your housekeeping
was a tad suspect,
your "people"keeping was perfect.

💕©️💕 pic.twitter.com/cJMK8APgQV

— Charlie Sheen (@charliesheen) October 13, 2020

Сопругот на Кончата, Ерни Андерсон, летово изјави дека актерката била хоспитализирана уште во мај, бидејќи не се чувствувала добро.

Таа поминала над четири недели на интензивна нега, а потоа била ставена на респиратор и не можела да зборува. Претходно, актерката била во болница и поради инфекција на бубрезите, која се проширила низ крвотокот.

И од официјалната Facebook страница на Two and a Half Men споделија фотографија од актерката.

„Ужалени сме од смртта на Кончата Ферел и благодарни сме за годините што нè забавуваше како Берта, која ќе живее засекогаш“, стои во описот.

Кончата првпат се појави во познатата серија во 2003-та, а за улогата доби две Еми номинации. Таа продолжи да се појавува во серијата дури и откако Чарли Шин беше заменет со Ештон Кучер. Актерката дефинитивно беше совршениот избор за улогата и тешко дека некој би ја одглумил подобро.

Во продолжение, пак, можете да погледнете неколку видео компликации со најдобрите моменти од серијата во кои се појавува Берта:

Спирова С. | Црнобело