„Бебето е силно, но неговата куќа се распаѓа“ – Криси Тајген е во болница заради ризичната и проблематична бременост

Детали

вторник, 29 септември 2020

Криси Тајген e хоспитализирана поради крвавење за време на нејзината трета бременост, но изјави дека и таа и детето се во ред.

34-годишната Криси Тајген, која е бремена со нејзиното трето дете, откри дека следните неколку недели ќе ги помине во болница. Причината е крвавењето од нејзината плацента.

Криси ги сподели новостите на Instagram Story, изјавувајќи дека проблемите со крвавењето се појавиле пред помалку од еден месец.

„Секојпат кога одев во тоалет имаше крв… Но големата разлика денес е што е како пуштена чешма… изгледаше како да нема да сопре“.

Криси изјави дека се чувствува добро, но и дека момчето што го носи е силно, па дури и посилно од другите деца, Луна и Мајлс.

„Многу се движи. Имаме милион одлични слики од него. Многу е силен и многу сум возбудена за него бидејќи е прекрасен и едвај чекам да го запознаам“.

Сепак, Криси сподели дека ѝ е јасно дека нејзината бременост е ризична.

„На некој начин, тој е најсилниот во една многу лоша куќа. Неговата куќа се распаѓа. Немаше ни добри темели. Тој ја немаше најсилната шанса на самиот почеток“, изјави Криси.

„Тешко е бидејќи не можете да направите многу. Сега сум во тој период кога е навистина опасно да пробате што било. Едноставно, ако ги преживееме следните неколку недели, ако малечкото момче ги помине следните неколку недели, тогаш знаете, ќе можеме да ја надминеме опасната зона. Но, прво ќе треба да поминеме низ неа. Па да, страшно е“.

Покрај Криси бил и Џон Леџенд, кој постојано се грижел за неа.

Спирова С. | Црнобело