Кој го наследи богатството на Пол Вокер и зошто семејството било гневно?

Детали

сабота, 18 април 2020

На 30-ти ноември 2013-та, ѕвездата од „Fast & Furious“, Пол Вокер, трагично го загуби животот.

Актерот изгубил контрола над автомобилот што го возел и направил сообраќајка.

Потоа се дозна дека богатството од 25 милиони долари ѝ го оставил на ќерката – одлука што ги разгневи неговите блиски.

Оттогаш, ќерка му Медоу го прекина контактот со останатите членови на семејството, но изгледа дека тие се обидуваат повторно да се вратат во нејзиниот живот.

Па, што точно се случува?

Пол го направил тестаментот 12 години пред несреќата

Според изворите, Пол го направил неговиот тестамент на само 28 години, уште во 2001-ва. Истата година беше премиерата и на првиот филм од серијалот „Fast & Furious“.

Пол сè уште не беше ѕвездата што ја знаат сите и многумина сметале дека е премногу млад да прави такви планови за иднина.

Оваа одлука му помогнала на семејството да го избегне распределувањето на имотот според законот. Но, тоа што решил сè да ѝ остави на тогаш 2-годишната ќерка разочарало многумина од неговото семејство.

Интересно е што бидејќи го направил тестаментот уште во 2001-ва, во него не се наоѓаше партнерката Џасмин, со која беше околу 7 години.

Врската на Пол и Медоу била навистина силна

И покрај тоа што беа шокирани, од семејството на Пол изјавија дека врската помеѓу него и Медоу била многу силна.

Во документарецот „I Am Paul Walker“ од 2018-та, неговиот татко изјави:

„Никој татко не го сакал своето дете како што Пол ја сакаше Медоу.“

Медоу одлучи да не се појави во документарецот за нејзиниот татко. Братот на Пол, Кејлеб, ја одбрани нејзината одлука, изјавувајќи дека таа е приземјена млада дама:

„Таа е срамежлива и приземјена. Можеби ѝ требаат уште неколку години. Но, целосно ја почитуваме нејзината одлука. Очигледно, би сакале да се појави во документарецот, но не беше подготвена.“

Подоцна Кејлеб изјави дека Медоу не присуствувала на семејното гледање на документарецот.

„Таа се справува со неговата смрт на нејзин начин, исто како сите ние.“

Пол сакал мајка му да се грижи за Медоу

Поголемиот дел од детството, Медоу го поминала со нејзината мајка во Хаваи. Подоцна, околу 3 години пред смртта на Пол, таа се пресели да живее со него.

Интересно е што Пол ја именувал неговата мајка како старател на Медоу, наместо нејзината биолошка мајка.

Шерил Ан Вокер, мајката на Пол, поднесе барање за старателство во 2014-та, тврдејќи дека мајката на Медоу има проблеми со алкохолот.

Сепак, за кратко тие направиле компромис, па оттогаш Медоу живее со мајка ѝ.

Медоу го прекина контактот со семејството Вокер

Според изворите, Медоу нема прозборено со членовите од семејство на татко ѝ веќе некое време. Браќата и мајката на Пол, пак, биле тажни поради ова.

„Семејството е тажно поради целата ситуација – им се плаче само што ќе помислат на тоа. Медоу не зборува со браќата на Пол, Коди и Кејлеб, ниту пак со нивната мајка. Семејството на Пол се надева дека кога-тогаш, Медоу ќе се врати во нивните животи“, сподели еден од изворите.

Наводно, тие ќе ја пречекале со раширени раце и им било јасно низ што сè поминала по смртта на татко ѝ.

„Тој загина кога таа беше само тинејџер, кога започна да оди во ново училиште. Само што почна да живее со Пол и тогаш почна да се поврзуваат, па беше ужасно за неа да помине низ сето тоа. Шокот беше преголем за постарите од семејството, не па за 14-годишно девојче“, вели изворот.

Семејството на Пол ја поддржува Медоу во желбата да изгради кариера како модел

Наводно, Медоу сега се обидува да стане модел. Иако веќе не зборува со останатите од семејството, тие тврдат дека таа ја има цела нивна поддршка.

Спирова С. | Црнобело