„Ми го пиша бројот на билет од воз и уште го чувам“ – Бекам се навраќа на запознавањето со Викторија

Детали

петок, 28 февруари 2020

Се запознале на еден од неговите фудбалски натпревари во 1997-ма, веќе се 20 години во брак, а Дејвид уште го чува билетот на кој Викторија му го запишала бројот кога си се додворувале.

44-годишниот Дејвид гостуваше кај Џими Фелон и откри интересни детали од запознавањето со сопругата, Викторија Бекам.

Тој ја забележал Викторија на еден од натпреварите уште една недела пред да се запознаат, но таа тогаш била со нејзиниот менаџер.

„Знаевме за Spice Girls, очигледно, бидејќи тогаш беа многу популарни, а јас се докажував во мојот тим Manchester United. Не успеав да зборувам со неа тој ден, но по една недела, таа се врати во Манчестер да гледа уште еден натпревар.“ – открива Дејвид.

Фудбалерот тогаш бил решен да не ја пушти уште еднаш да си замине, па се охрабрил:

„Таа испи неколку пијачки, а јас одлучив, зошто да не? Ќе се обидам да ѝ го добијам бројот. Зборувавме речиси 1 час, a потоа ми го запиша бројот на нејзиниот билет од воз, кој уште го чувам.“ – продолжува тој.

20 години подоцна, Дејвид и Викторија се уште во среќен брак, а ги имаат децата Бруклин, Ромео, Круз и малечката Харпер.

Погледнете го целото видео во кое зборува за семејството:

Прочитајте ги 11-те тајни за семејството Бекам. 

М. М. | Црнобело