23-годишната ќерка на Бил Гејтс се вери со млад милионер
- Детали
- петок, 31 јануари 2020
Џенифер, најстарата ќерка на Бил Гејтс, во средата сподели дека ќе се венча со младиот милионер од Египет, Најел Насар.
„Најел Насар, ти си посебен. Овој викенд ме изненади на најзначајната локација. Едвај чекам да ги поминеме нашите животи учејќи, растејќи, смеејќи се и сакајќи се. Да, милион пати“, стои во нејзината објава.
На фотографијата, направена на нивното скијачко патување, Џенифер изгледа навистина изненадена од запросувањето. Може да се забележи и нејзиниот огромен дијамантски прстен.
Џенифер неодамна заврши биологија на Универзитетот Стенфорд и сега е студент по медицина. Кога не учи, таа патува со Насар, со кој е заедно веќе четири години.
И 28-годишниот Насар завршил на Стенфорд, на факултетот за менаџмент и економија.
Како Џенифер, и младиот милионер сподели фотографија со која ја најави свршувачката:
„Таа рече да! Се чувствувам како најсреќниот маж на светот. Џен, ти си сè што можам да замислам… и многу повеќе. Едвај чекам да продолжиме заедно на ова патување наречено живот и едноставно, не можам да го замислам мојот без тебе. Тe сакам повеќе од што можеш да замислиш.“
Спирова С. | Црнобело