Мамини синови кои не се двојат од дома - Кои славни мажи уште живеат со родителите?

Детали

вторник, 02 јули 2019

Помеѓу славните мажи се наоѓаат неколку „мамини мази“ кои не можат да се одвојат од мајките или родителите и уште живеат со нив.

Иако мислите дека сами уживаат во своето богатство, сепак многу славни мажи не можат да се одвојат од родителите и делат ист дом со нив.

Некои од нив се вистински мамини мази и не можат да се одвојат од мајките, други пак, им овозможуваат на родителите да живеат во луксуз, а на трети, им одговара да бидат под ист кров со родителите.

Славни мажи кои имаат над 30 години и не се брзаат да си одат од дома:

Леонардо ди Каприо

Иако досега бил со многу жени, сепак во неговото срце сè уште има место само за една жена, а тоа е неговата мајка.

Неговите родители се развеле по неговото раѓање, а неговата мајка му е целосно посветена и го придружува на речиси сите настани.

Освен тоа, таа уште живее под ист кров со синот и го штити него и домот од гласни и некултурни фанови, кои ги прска со црево ако прават метеж пред куќата.

Мајкл Б. Џордан

Улогата во Black Panther му донесе популарност и доволно богатство за да му се исполни сонот од детството – да им купи на родителите куќа.

Актерот живее заедно со нив, но според него, се среќаваат само во кујната и никој никому не смета. Но, секогаш има храна на дофат.

Бредли Купер

Откако неговиот татко починал, мајката на актерот се преселила во Лос Анџелес и заедно си помагале да ја пребродат загубата.

Тие се многу блиски и таа често го придружува синот на важни настани. Сè уште живеат заедно, а според гласините, тоа ѝ пречело на Ирина Шајк пред да се раздели со Бредли.

Рафаел Надал

Шпанскиот тенисер до неодамна живееше со неговите родители, бидејќи верува дека фамилијата е нешто свето, центар на неговиот живот и стабилноста.

Неговите успеси тој ги поврзуваше со поддршката која ја добива од најблиските, но разводот на неговите родители резултирал со неколку неуспеси на теренот.

Сега, откако се вери со неговата долгогодишна девојка, веројатно работите се промениле, па ќе живее со неговата партнерка.

M. M. | Црнобело