Зошто личната асистентка на Меган Маркл си даде отказ, само 6 месеци по кралската свадба?

Детали

понеделник, 19 ноември 2018

Изгледа Војвотката од Сасекс со своите идеи и замисли не е најлесниот човек за соработка...

Работењето за Војвотката од Сасекс звучи како работа од соништата, но во реалноста за некои луѓе очигледно не е така.

Личната асистентка на Меган Маркл, позната како Мелиса, но чиј идентитет не се открива, си даде отказ 6 месеци по кралската свадба. Одлуката ја донела ненадејно и била шок за сите во палатата.

Зошто некој би си заминал од таква престижна работа толку брзо?

„Мелиса е многу талентирана личност и имаше огромна улога во организацијата на кралската свадба и ќе им недостига на сите во палатата“, изјави извор близок до кралското семејство.

Сите велат дека Меган Маркл донела нова енергија во кралската палата со нејзината завидна работна етика, но изгледа токму тоа е причината за заминувањето на нејзината асистентка.

Меган го започнувала денот во 5 часот наутро и веднаш потоа на помошниците во палатата им праќала по 6, 7 пораки со нови идеи и барања околу градењето на нејзината кралска улога.

Иако, нејзиниот ентузијазам е одличен, изгледа едноставно е премногу за дел од персоналот во палатата. Покрај Мелиса, чие заминување беше бурно проследено од медиумите, во меѓувреме имаше уште неколку луѓе кои си дадоа отказ. На пример Катрина Мекивер, задолжена за комуникации во палатата, си даде отказ во септември.

С. С. | Црнобело