Принцот Вилијам изгледа не сакајќи го откри полот на третото кралско бебе

Детали

петок, 13 април 2018

Изминативе неколку месеци во фокусот на медиумите е венчавката на принцот Хари и Меган Маркл, па детали околу третата бременост на Кејт Мидлтон речиси и да не знаеме.

Април е месецот кога треба да пристигне третото кралско бебе во семејството на Кејт и Вилијам, а изгледа принцот заборави дека полот не го открија во јавноста.

„Ќе инсистирам бебето да се вика Џек,“ гласела изјавата на Вилијам. По долга пауза, додал „или Џеки.“

Како што тврди Mirror, Вилијам се шегувал дека сака да му го даде името Џек по Џек Грилиш, фудбалската ѕвезда на Астон Вила.

„Ненамерната грешка“ се случила по завршувањето на шампионатот во вторникот, кога тимот на Грилиш ја понесе победата во мечот со Кардиф Сити.

Ова не е првпат принцот Вилијам да ја коментира бременоста на Кејт без нејзино присуство и да споделува детали.

Во септември 2017-та, кога само се шпекулираше за бременоста, тој сподели дека „никој во палатата не спие“ поради приновата во семејството, а во февруари оваа година ги негираше гласините дека ќе стане татко на близнаци.

М. Д. | Црнобело