Не им е пресуден изгледот: Славни убавици со помалку атрактивни партнери
- Детали
- вторник, 24 октомври 2017
Љубовта не познава граници. Убавината е во окото на набљудувачот, а вкусовите се различни. Понекогаш, пак, спротивностите навистина се привлекуваат. А, дека физичките атрибути не се одлучувачки, барем кога е изборот на партнер во прашање, сведочат врските на повеќе познати дами.
Кога славната британска манекенка и писателка Софи Дал се заљуби во музичарот Џејми Калум, многумина останаа вчудовидени.
Tаа има 183 сантиметри, а тој само 164 сантиметри. Поточно, ги „делат“ цели 19 сантиметри разлика во висината.
„Ние сме две личности кои кои се запознаа, лудо се вљубија и веројатно ќе имаат деца со просечна висина. Се надевам дека ќе ги наследат неговите елегантни стапала, а не моите. Чудно ми е што луѓето се фокусираат на нашата разлика во висината. Но, кога си вистински среќен, тогаш не ти е грижа за тоа.“, кажа Софи во една прилика.
Двојката е заедно повеќе од една деценија, а се запознале на хуманитарен настан.
„Почнавме да зборуваме за книгите што обајцата ги сакаме. Таа беше вистински книгохоличар и баш добро се сложувавме. Но, ниту на секунда не помислив дека би била заинтересирана за мене. Претпоставив дека во нејзе се вљубува секој што ќе ја запознае, а дека за мене нема место, па се правев кул. Тогаш живееше во Њујорк и имаше дечко. Шест месеци подоцна, таа ја прекина врската, се врати во Англија и тогаш нашето пријателство прерасна во нешто повеќе.“ , го опиша Џејми почетокот на нивната врска, која во 2010 година беше крунисана со брак.
Денес живеат во мало британско селце и имаат две ќеркички.
Дали е изненадување фактот што една висока и расна жена му го подари срцето на низок и ситен маж со просечен изглед?
За оние кои им робуваат на предрасудите – да. Другите, пак, веројатно веќе знаат дека изгледот не игра најважна улога при изборот на животен сопатник.
Од врските кои им пркосат на стереотипите, при што дамата е позната убавица, а нејзиниот партнер не е „фраер“ во класичнa смисла на зборот, ви ги издвојуваме следните: