Два дена после контроверзната реклама на Pepsi - Кендал пробува да ги смири критиките (фото)

Детали

петок, 07 април 2017

Кендал Џенер реши да ја смири разгневената публика со враќање во минатото, односно споделување на фотографија кога таа била мала.

21-годишниот модел сè уште јавно не коментирал за контроверзната реклама откако беше критикувана што воопшто решила да се појави во неа и на еден начин да се исмева на Лешија Еванс и на движењето „И животот на црните значи“.

На еден начин како да реши да го игнорира проблемот и продолжи понатаму, како ништо да не се случило.

На својата официјална страна сподели стара фотографија каде е заедно со својата сестра, а истата ја надополнила со зборовите: „Исти плетенки со Кај. Не можам на ништо да се присетам околу оваа фотографија, ама сеедно, ја обожавам - боите на неа се толку живи.“

„Се чини како Кај и јас да се возиме на рингишпил, а судејќи според плетенките или сме на одмор или сме се вратиле од одмор.“ - додава.

Инаку рекламата во која се појави откако беше критикувана, дури и од ќерката на Мартин Лутер Кинг, беше повлечена, а од Pepsi јавно се извинија дури и на Кендал што ја ставиле  во таква позиција.

Претходно Кендал јавно коментираше дека е пресреќна што ќе се појави во кампања на Pepsi: „Возбудена сум што ќе се приклучам на легендарната компанија која има собрано многу икони кои ги прикажуваат своите генерации, а сега и јас ќе имам можност да ја прикажам денешната генерација“.

„За мене Pepsi е повеќе од само пијалак. Претставува дел од поп културата“ - додаде.

Но, после негативните коментари Кендал брзо избриша сè што беше поврзано со рекламата и останува јавно да коментира.

Н. Г. | Црнобело