Ева Лонгорија овој викенд ќе каже „да“ во венчаница од Викторија Бекам

Детали

четврток, 19 мај 2016

Ева Лонгорија и Хосе Антонио Бастон овој викенд ќе стапат во брак во прекрасна вила во Акапулко, Мексико, после речиси 3 години врска.

Церемонијата е закажана во домот на актерот Џејми Камил и листата на гости вклучува голем број на познати имиња како Дејвид и Викторија Бекам, Пенелопе Круз, Рики Мартин, Кети Пери...

Ева Лонгорија и Хосе Антонио се верија пред 5 месеци, кога 47-годишниот Хосе ја запроси Ева во Дубаи со прстен од рубин и дијаманти.

Ева ќе биде невеста по третпат, овојпат носејќи креација од нејзината најдобра пријателка Викторија Бекам.

Првиот брак на актерката беше со актерот Тејлор Кристофер од 2002-ра до 2004-та година, а по вторпат стапи во брак во 2007-ма со НБА ѕвездата Тони Паркер. Бракот заврши во 2010-та година.

Хосе пак, има 3 деца од првиот брак.

Ева досега отворено зборувала за пропаднатите бракови, а пред само неколку месеци изјави:

„Кога еднаш ќе сфатите дека венчавката не значи брак, тогаш ќе сфатите да ја цените заедницата и ќе ги намалите очекувањата.“

М. Д. | Црнобело