„Пријателите“ се собраа за специјалната епизода (видео)

Детали

вторник, 23 февруари 2016

Шоуто на NBC кое се одржа во чест на режисерот Џејмс Буроус  можеби не беше целосно собирање на актерите како што очекуваа сите фанови на култната ТВ серија, но ни открива интересни факти за самата серија.

Метју Пери најави дека нема да биде дел од обединувањето, но ги поздравува неговите колеги преку видео порака.

Останатите пет членови на групата која долго време на нарекувавме „Пријатели“ седнаа на црвениот кауч на Енди Коен и ни откриваат неколку интересни факти:

1. Ја демантираа шпекулацијата дека морале да потпишат договор дека за време на снимањето на серијата не смеат да имаат сексуални односи.

2. Актерите играле покер во соблекувалната на Буроус, а тоа им било вежба за епизодата „The One with All the Poker“.

3. На почетокот, актерите се собирале заедно да ги гледаат епизодите и да си даваат забелешки околу глумењето.

4. Кудроу, Кокс и Анистон цели 10 години ручале заедно.

5. Анистон била на аудиција за Моника, не Рејчел, а Кокс обратно.

6. Актерите ги обожавале оние епизоди каде се враќаат на минатото кога Моника била дебела, а Рејчел сè уште не направила операција на носот.

Н. Г. | Црнобело