„Кога се запознавме ми вети дека ќе ми купи BMW“ – Зошто цел свет ја следи „мини серијата“ на тиктокерката Reesa Teesa?

Детали

среда, 21 февруари 2024

Кога го запознала ѝ рекол дека е потпретседател на компанија и дека ќе ѝ купи автомобил BMW, но дури откако стапила во брак сфатила дека тој е патолошки лажго – Зошто целиот свет е навлечен на „мини сериите“ на тиктокерката Reesa Teesa?

Велат дека животот пишува романи, а оваа инфлуенсерка на ТикТок стана вистинска конкуренција на Нетфликс во изминатите денови, откако во видеа почна да ја раскажува нејзината приказна како во една година се вљубила, започнала врска и се омажила за нејзиниот сопруг кој според неа бил патолошки лажго.

Жената која на ТикТок се претставува како Reesa Teesa објави над 50 епизоди од нејзината „мини серија“, насловена Who TF did I marry, а секое видео има милионски прегледи.

@reesamteesa

Who TF Did I Marry- Introduction #reesateesa #fyp #series

♬ original sound - ReesaTeesa

Нејзините видеа се следат како своевиден поткаст, а жените од цел свет ги слушаат додека се одмараат или додека се на работното место.

Жената се труди максимално да ја сочува приватноста на својот поранешен сопруг, но раскажува приказна која на некои моменти делува како да е напишана од најдобрите сценаристи во светот.

Се знае дека таа живее во Атланта, САД, и дека работи во полиција.

Со оглед на тоа дека станува збор за 52 видеа од по 10-тина минути, на социјалните мрежи се споделуваа и прераскажани верзии од нејзините видеа, а накратко тоа што таа го претрпела може да се собере во неколку реченици.

Таа вели дека го запознала поранешниот сопруг на почетокот на 2020-та година онлајн, за време на ковид пандемијата, и тој ѝ рекол дека се преселил во Атланта заради работата.

На почетокот тој тврдел дека работи како потпретседател во позната прехранбена компанија, дека е богат и ќе ѝ купи BMW.

Откако стапиле во брак, Теса вели дека почнала да сфаќа дека тој ја лажел за многу работи.

Прво ја излажал за работата. Тој не бил потпретседател туку возел виљушкар, а кога бил дома, измислувал телефонски разговори во кои наводно ги карал вработените во компанијата каде што лажел дека работи.

Таа вели дека тој се преправал како со часови разговара со брат му и пријателите, за на крај да дознае дека тој не разговара со брат му од 2015-та година и дека воопшто нема блиски пријатели.

Кон средината на 2021-ва година таа одлучила да го напушти сопругот, а сега надолго и на широко ги раскажува сите мигови од бракот со него.

Сите видеа со приказната на жената можете да ги погледнете на нејзиниот ТикТок профил.

Б. С. Б. | Црнобело