Осумгодишно дете растура на „Smooth criminal“ на Мајкл Џексон

Детали

четврток, 14 јануари 2016

Малиот Вили Азборн блесна во шоуто на Елен Деџенерис покажувајќи го својот супер талент.

Зборлестиот Вили започнал да танцува кога имал три години, а тоа успешно го прави пет години со настапи најчесто пред неговата куќа каде за него имаат поставено мала сцена.

Неговата приказна е фасцинантна со самиот факт што тој има само осум години, но уште поневеројатно е што тој никогаш не посетувал часoви по танц.

Тој вели дека неговата мајка била љубител на песните на Елвис Присли, Џејмс Браун, Мајкл Џексон и тоа допринело тој да биде изложен на звуците на овие артисти.

Малиот Вили го избрал Мајкл Џексон за свој омилен артист и ги гледал неговите настапи одново и одново за да може да го долови секој детаљ од неговата кореографија. Иако кореографиите на кралот на поп музиката му се омилени, феноменалниот Вили вешто умее да ги долови и кореографиите на други артисти.

Неговиот најголем успех досега е настапот на натпреварот „Аполо“, каде тој имал можност да танцува на истата сцена каде што танцувал и самиот Мајкл Џексон.

Доколку сакате неговиот настап да предизвика насмевка на вашето лице, видеото можете да го погледнете тука:

Н. Буџак | Црнобело