Трајче Ѓeоргиев на концертот на Тони Цетински ја крена цела „Сава центар“ на нозе! (видео)

Детали

недела, 15 март 2015

По Даниел Кајмакоски, уште една македонска ѕвезда го освојува Балканот. Малиот Трајче Ѓоргиев со секое појавување во шоуто „Пинкови ѕвездички“ го воодушевува жирито, публиката во салата и пред малите екрани.

На последниот настап од петтиот круг, додека пееше на шпански, по којзнае кој пат, некои членови на жирито со насолзени очи станаа и му се поклонија.

Но, она што е уште позначајно за него е најпрво поканата која ја доби од неговиот омилен балкански пејач, Тони Цетински за да пеат заедно на неговиот концерт, а потоа и настапот кој ги воодушеви сите.

Со посебна најава за малиот Трајче со огромен талент, Тони уште еднаш ја искажа својата наклонетост и поддршка кон него, поканувајќи го на сцената за да ја отпеат во дует познатата „Od milijun zena“.

Трајче го пееше само рефренот, а публиката пееше со него во еден глас. Овации, аплаузи и врисоци доби од сите присутни кои станаа и му се воодушевуваа.

Сепак, се очекува и заслужува Трајче да биде уште една блескава ѕвезда на нашето музичко небо.

Погледнете го неговиот настап на концертот на Тони Цетински: