Ким сакаше да ја посвои, но таа одби: Да живеам со Ким Кардашијан? Не, фала!

Детали

четврток, 20 ноември 2014

13-годишното девојче кое живее во колективно сместување во Тајланд ја одби понудата да живее со најбогатата старлета.

По посетата на Тајланд, Ким Кардашијан го посетила местото каде живеат настраданите од цунами и многу брзо се зближила со 13-годишното девојче Пинк.

„Буквално не можам да престанам да размислувам за неа. Му реков на мојот сопруг колку е слатка и драга и дека би сакала да ја посвојам,“ раскажува Ким.

Меѓутоа, таа се откажа од идејата затоа што нејзиниот адвокат тврдел дека процедурата е премногу комплицирана и би траела со години.

Но, британскиот Daily Mail има нови тврдења - девојчето без размислување ја одбило понудата да живее во луксуз со Ким Кардашијан.

Малата Пинк живее во заедница и дели соба со уште 5 девојчиња, а останала сама откако нејзината мајка не можела да се грижи за неа.

Таа признава дека се тресела од среќа кога открила дека ќе ја запознае Ким Кардашијан:

„Секој за себе сака подобар живот или барем поинаков од оној што го води. Но кога добро размислив, сфатив дека за мене не би било подобро да живеам со Ким. Тука има многу деца кои живеат во сиромаштија, но можеби така е подобро,“ признала Пинк.

„Мислам дека е прекрасна и многу мила. А и ми се допадна да бидам на телевизија,“ додава девојчето кое го одби животот со најпознатата и најбогата старлета.