Богати и убави: Најубавите наследнички на светски познатите милијардери

Детали

вторник, 02 септември 2014

Благодарение на милијардите на своите родители, овие убавици имаат повеќе пари отколку што можат да потрошат, а притоа се и неверојатно атрактивни.

Ова се најубавите наследнички, родени под среќна ѕвезда:

Иванка Трамп

Ќерката на познатиот Доналд Трамп моментално е успешна деловна жена, на чело на компанијата на нејзиниот татко. Во младоста имаше успешна кариера како манекенка, а денес има сопствена линија облека и накит. Нејзиното богатство се проценува на околу 3,9 милијарди долари.

Ники и Парис Хилтон

Сестрите Хилтон се родени со милиони на сметка, благодарение на наследството. Нивниот прадедо е оној кој го стекнал богатството, па овие 2 русокоси уште од младоста и се добро познати на јавноста. За разлика од Парис која е зависник од забави, Ники е повеќе посветена на наследување на богатството, кое се проценува на 2,5 милијарди долари.

Дилан Лорен

Оваа атрактивна бринета е ќерка на модниот гениј Ралф Лорен. Таа заедно со своите двајца браќа ќе наследи богатство кое се проценува на 7,5 милијарди долари. Меѓутоа, таа не тргна по стапките на нејзиниот татко, туку отвори продавница за слатки во Њујорк, која моментално важи за најголема во светот.

Ваниша Митал

Ќерката на едно од најбогатите лица во Индија, Лакшми Митал, знае како да ужива во своето богатство. Таа во 2004 година се омажи за богат банкар, а по дипломирањето започна со водење на компанијата на нејзиниот татко. Се проценува дека токму Ваниша води империја од 16 милијарди долари.

Петра и Тамара Еклстон

Бернард Еклстон нема една, туку две прекрасни ќерки кои до сега се испробаа во модните води. Петра и Тамара се познати само по тоа што се планетарно богати, затоа што ниту во манекенството, ниту во дизајнерските води не им одеше најдобро. Сепак, нивниот татко им го овозможува целиот луксуз. На пример, Петра за својата венчавка во 2011 година потрошила неверојатни 12 милиони долари.