Брендот наречен Кајли Миног

Детали

четврток, 27 август 2009

Популарната пејачка Кајли Миног ги победи ѕвездените диви како Никол Кидман и топ моделот Ел Макферсон, добивајќи ја заслужната  титула...

 

... најмоќен австралиски бренд.

Оваа титула и ја доделија 400 луѓе од забавната индустрија, кои биле замолени да ја пополнат анкетата во Talent Inc!Personal Brand каде требале да оценат кој познат австралијанец кој најмногу допринел во светот.

Еден од луѓето кои ја спроведуваа анкетата изјави: "Мислам дека она што ја прави Кајли број еден, е токму нејзиното влијание на луѓето низ целиот свет.

Иако таа имаше свои качувања и падови, но само кога зборуваме за нејзините албуми; бидејќи кога зборуваме за неа како личност - тука мислам на љубовниот живот и здравствените проблеми, таа секогаш успеваше да ги реши достоинствено.

Тоа и даде можност да биде моќен бренд кој дава сила и има голема вредност."

На топ листата од 10 австралијанци кои имаат големо влијание во светот, односно одлично го промовираат ова место, се најдоа и  премиерот Кевин Руд, актерот Хју Џекман и покојниот ловец на крокодили Стив Ирвин.

Оваа 41-годишна пејачка во својата досегашна кариера продала околу 40 милиони синглови и 25 милиони албуми.