Лејди Гага се вери со партнерот – по 2 неуспешни свршувачки, не ѝ се брза за свадба

Детали

понеделник, 29 јули 2024

Лејди Гага и партнерот Мајкл Полански се заедно веќе четири години, а на Олимписките игри во Париз, таа го претстави како нејзин свршеник. Ова е третата свршувачка за пејачката, а со Мајкл, наводно, не се брзале за брак.

Веќе извесен период се шпекулира дека Лејди Гага и партнерот Мајкл Полански се свршени.

38-годишната пејачка беше забележана и со прстен за кој фановите се сигурни дека е веренички.

Сега, за време на Олимписките игри во Париз, Лејди Гага суптилно ги потврди шпекулациите.

На видео направено во неделата (28.08), се гледа Лејди Гага во друштво на партнерот на натпревар по пливање во склоп на Олимписките игри.

Во видеото, кое е споделено на ТикТок, пејачката разговара со францускиот премиер и во еден миг го претставува Мајкл како нејзин свршеник.

@gabriel_attal

Thank you Lady Gaga for your stunning performance at the opening ceremony. It was breathtaking. 🤩🫶

♬ son original - Gabriel Attal

Засега пејачката и партнерот немаат откриено детали за свршувачката.

За потсетување, првите гласини за Лејди Гага и Мајкл Полански се појавија во 2020 година, кога беа забележани како се бакнуваат на новогодишна прослава во Њујорк.

Тие ја потврдија врската само неколку недели подоцна.

Според извори блиски до парот, пејачката и свршеникот се зближиле на почетокот од пандемијата, кога голем дел од времето поминувале затворени дома.

Лејди Гага не зборува многу за врската, но во 2021 година, за време на инаугурацијата на претседателот Џо Бајден, изјави дека е среќна со него и дека е благодарна за неговата поддршка.

Според изворите, иако Лејди Гага и Мајкл не се брзале за свршувачка и брак, веќе живееле како брачен пар.

Ова е трета свршувачка за Лејди Гага.

Претходно, таа беше свршена со Кристијан Карино, но се разделија во 2019-та, по две години.

Во 2015-та, пак, пејачката се сврши со актерот Тејлор Кини, но ја раскинаа свршувачката по неполна година.

Спирова С. | Црнобело